Það er ekkert sérlega oft sem sjónvarpsefni hreyfir við mér. Það er ekki sérlega oft sem ég græt yfir bíói. En ég gerði það í gær og ég gerði það aftur í kvöld. Í gær sá ég nefnilega fyrsta þáttinn í trílógíunni Þerraðu aldrei tár án hanska eftir Jonas Gardell á RÚV. Og í kvöld fór ég á ríkissjónvarpið sænska á netinu og horfði á restina. Ég gat ekki beðið. Ég er nær orðlaus. Og skil ekki af hverju ég var ekki búinn að lesa bækurnar. Sjá þættina.

|

Meira ...

Nú liggja fyrir drög að frumvarpi til laga um staðgöngumæðrun í velgjörðarskyni og hafa Samtökin ‘78 skilað inn umsögn um það. Rétt er að minna á að Samtökin '78 hafa tekið þá afstöðu að taka ekki afstöðu til staðgöngumæðrunar þar sem málið er umdeilt og um hana eru margar mismunandi skoðanir meðal félaga.

Samtökin hafa bent á að réttindi eins hóps skuli aldrei ganga á mannréttindi annars. Þó teljum við borðleggjandi að lög um staðgöngumæðrun mismuni ekki verði þau að veruleika, þá t.d. á grundvelli kynhneigðar eða kynvitundar. Því var farið yfir frumvarpið og lögð fram umsögn í þeim tilgangi að koma í veg fyrir mismunun og útilokun (beina og óbeina). Drög að frumvarpi til laga um staðgöngumæðrun má finna hér.

Eftirfarandi umsögn var send starfsmanni starfshóps um staðgöngumæðrun þann 3. desember:

|

Meira ...

(english below)

Gleðilegan desember kæra félagsfólk. Á frábærum félagsfundi miðvikudaginn 19. nóvember sl. áttum við góðar samræður um ýmis málefni og m.a. kom fram gagnrýni varðandi upplýsingagjöf. Við fögnum allri uppbyggjandi gagnrýni og reynum að bæta vinnubrögðin þar sem við á. Ég kynni því hér vikulegan fréttapistill sem ég vona að verði til gagns og ánægju. Með ást & friði, Hilmar Hildarson Magnúsarson, formaður.

|

Meira ...

Kæra félagsfólk. Mig langar rétt að færa ykkur kærar þakkir fyrir góðan, líflegan, hreinskiptinn og uppbyggjandi fund í kvöld. Ég vil líka nota tækifærið og þakka Íslandsdeild Amnesty International kærlega fyrir að hýsa okkur.

Fjárhagur, jafnrétti og umhverfi

Í kvöld ræddum við um hálfsárs uppgjör félagsins og fjárhagsáætlun. Gjaldkerinn okkar hann Vilhjálmur Ingi fór yfir sviðið og tók við spurningum en skemmst er frá því að segja að fjárhagurinn er á góðu róli. Þá tók nýjasta stjórnarmanneskjan hún Auður Magndís Auðardóttir við og fór yfir fyrstu drög að jafnréttis- og umhverfisstefnu. Auður kynnti til sögunnar Hrönn Hrafnsdóttur sérfræðing hjá Reykjavíkurborg en hún kynnti okkur fyrir Grænu skrefunum sem Reykjavíkurborg hefur unnið eftir að fyrirmynd Harvard háskóla í Bandaríkjunum. Skrefin eru aðgerðaáætlun og tékklisti sem hægt er að nota til að framfylgja stefnu um vistvæna og grænni framtíð. Hrönn sagði þetta í fyrsta skipti sem frjáls félagasamtök hyggðust stíga þessi grænu skref hérlendis, svo hún vissi til, og taldi það vissulega mikið gæfuspor. Við líka.

|

Meira ...

Einn af föstum liðum í starfsemi Samtakanna '78 á haustin er félagsfundur þar sem fjárhagsáætlun næsta árs er lögð fram. Að þessu sinni er félagsmönnum einnig boðið til umræðu um húsnæðismál félagsins og mótun jafnréttis- og umhverfisstefnu en vinna við hana hefur nú hafist. Fundurinn verður haldinn 19. nóvember í húsnæði Íslandsdeildar Amnesty International að Þingholtsstræti 27, 101 Reykjavík. Hefst fundurinn kl:20.

Vakin er athygli á því að á fundinum verður kosið í kjörnefnd sem starfa mun fram yfir Aðalfund S´78 í marsmánuði 2015. Áhugasamir eru beðnir um að bjóða sig fram á fundinum. Sé nánari upplýsinga óskað er hægt að hafa samband við framkvæmdastjóra í gegnum tölvupóstfang Samtakanna ´78 This email address is being protected from spambots. You need JavaScript enabled to view it.

|

Meira ...



Samtökin '78 standa á miklum tímamótum á þessu ári en nú á haustdögum flytur félagið í ný heimkynni að Suðurgötu 3 í Reykjavík - eftir áralanga dvöl að Laugavegi 3.  Við þessi tímamót var á aðalfundi félagsins í mars 2014 einróma samþykkt að leysa upp þann hluta af bókasafni félagsins sem lýtur að kosti fræðibóka og skáldsagna. 

|

Meira ...

Á fundi sínum í gærkvöldi veittu félagar Samtakanna ´78 stjórn félagsins umboð til þess að ganga frá kaupum á nýju húsnæði að Suðurgötu 3, að uppfylltum fyrirvörum sem kynntir voru, ásamt því að fara með núverandi húsnæði félagsins í söluferli. Það hyllir því undir miklar breytingar hjá félaginu en ánægjulegt upphaf að samþykki þetta var veitt einróma. Fundargerð verður birt á vef Samtakanna ´78 innan skamms og félagsmenn upplýstir um gang mála um leið og hlutir skýrast. 

|

Samtökin '78 leita eftir áhugasömu og drífandi fólki til að taka sæti í stjórn og trúnaðarráði samtakanna starfsárið 2014-2015. Stjórnin tekur allar helstu ákvarðanir um starfsemi félagsins. Hún fundar á tveggja vikna fresti. Henni til fulltingis er trúnaðarráð sem fundar u.þ.b. á sex vikna fresti og aðstoðar stjórn við framkvæmd mikilvægra verkefna. Samtökin '78 eru mótandi afl í hinsegin málum á Íslandi og því gefst hér kjörið tækifæri til að hafa áhrif á þennan mikilvæga málaflokk í samvinnu við öflugt og skemmtilegt fólk. Ef þér finnst þú hafa það sem til þarf skaltu hafa samband við kjörnefnd fyrir 8. mars með því að senda tölvupóst á This email address is being protected from spambots. You need JavaScript enabled to view it. eða hringja í Ragnheiði (s. 8923807), Írisi (s. 8614832) og Gunnlaug Braga (s. 8692979).

Kveðja,
Kjörnefnd.

|

Á dögunum var hinn árlegi haustfundur Stjórnar og Trúnaðarráðs S´78.

Á fundinum var farið yfir niðurstöður Samtakamáttarins sem haldin var nú í vor, vetrardagskrá Samtakanna auk fleiri málefna.

SaltEftir fundarhöldin hélt hópurinn í Salt Eldhús sem er staðsett í portinu fyrir aftan Samtökin. Þar fórum við á matreiðslunámskeið hjá Gunnari Helga þar sem var keppt í liðum. Maturinn sem var eldaður var af margskonar toga en Örn meðstjórnandi, Auður formaður Trúnaðarráðs og Sólver sem situr í Trúnaðarráði fyrir hönd Hinsegin kórsins stóðu uppi sem sigurvegarar. Það var samróma álit dómaranna, Gunnars og Svandísar ritara að þau hefðu uppfyllt allt sem góðir nemendur þurfa til að bera. Dagurinn var góður og vonum við að vetrardagskráin muni bera keim af því.

Við þökkum fyrir okkur Salt Eldhús

Salt Eldhús, Laugavegi 1a (bakhús), 101 Reykjavík

|

unglingarNæsta sunnudag 1. September ætlar ungliðahreyfing Samtakanna '78 að bjóða krökkum 14 ára og yngri að koma á ungliðafund fyrir yngri krakka.
Þetta er í fyrsta skiptið sem Ungliðarnir bjóða upp á ungliðafundi fyrir 14 ára og yngri og verða þeir haldnir fyrsta sunnudag í mánuði í vetur. Fundurinn hefst kl. 18 og auðvitað er forráðafólki velkomið að líta við með krökkunum.
Stjórn ungliðanna og umsjónarfólk verður á svæðinu og boðið er upp á spjall og leiki.

Klukkan 19:30 hefst svo hefðbundið ungliðakvöld og þetta kvöld er aðstandendakvöld og fjölskyldu og vinum er velkomið að koma með krökkunum.
FAS (Félag Aðstenda Hinsegin Fólks) mun koma að spjalla og heyrst hefur að boðið verði upp á kökur og gotterí til styrktar ungliðunum.

Þetta er kjörið tækifæri fyrir fjölskyldur og aðstandendur til að kynnast starfi ungliðanna.

Hlökkum til að sjá ykkur!

Ungliðahreyfing Samtakanna '78

|

Heinz Heger

Mennirnir með bleika þríhyrninginn - Upplestur í IÐU, Lækjargötu kl: 16 á Menningarnótt

Guðjón Ragnar Jónasson les næstkomandi laugardag (Mennningarnótt) úr bókinni Mennirnir með bleika þríhyrninginn sem hann hefur nýlokið við að þýða. Bókin er merkileg heimild um líf samkynhneigðra í fangabúðum nasista og lætur engan ósnortinn og heitir á frummálinu, Die Männer mit dem rosa Winkel. Útgefandi er bókaútgáfan Sæmundur og Miðstöð íslenskra bókmennta styrkir útgáfuna. Þorvaldur Kristinsson ritar ítarlegan eftirmála að verkinu þar sem hann gerir grein fyrir því og setur það í samhengi sögunnar.

Sárafáir vitnisburðir hafa varðveist um líf samkynhneigðra í fangabúðum nasista og sagan um mennina með bleika þríhyrninginn er frægust þeirra minningabóka sem lýsa hlutskipti homma í Þriðja ríki Hitlers. Bókin kom fyrst út árið 1972 og hafði ómæld áhrif víða um lönd – á þeim árum þegar samkynhneigt fólk var að leita fortíðar sem að mestu hafði verið máð út úr mannkynssögunni.

|

Meira ...

Draggkeppni Íslands fer fram 7. Ágúst í Eldborgarsal Hörpu. Þetta er í 16 skiptið sem keppnin er haldin og þriðja skiptið í Hörpu. Keppnin hefst kl 21:00 en móttaka gesta byrjar kl 20:00

Þema keppninnar er Beauty is pain (And i´m in a lot of pain)

|

Meira ...

Opnunartími og þjónusta skrifstofu Samtakanna ´78 verður takmörkuð þessa vikuna vegna sumarleyfa. Við bendum fólki á að senda erindi á This email address is being protected from spambots. You need JavaScript enabled to view it. og brugðist verður við þeim eins skjótt og auðið er.

|

Stjórn, trúnaðarráð og starfsfólk Samtakanna ´78 eru í skýjunum með SAMTAKAMÁTTINN - þjóðfund hinsegin fólks sem fram fór í Ráðhúsi Reykjavíkur þann 1. júní 2013. Í honum tóku þátt um 120 manns á aldrinum 15 til 87 ára. Fundurinn var haldinn í tilefni 35 ára afmælis S78 og lagt upp með að á þessum tímamótum sé nauðsynlegt að staldra við, skoða stefnumálin og forgangsraða.

|

Meira ...

English version - click here

Laugardaginn 1. júní 2013 í Tjarnarsal Ráðhúss Reykjavíkur

Samtökin '78 35 áraDagskrá

13:30 Skráning og afhending fundargagna
-Raðað í hópa eftir efnisflokkum (Sjá neðar)
-Mætið tímanlega!

14:00 Opnun fundarins
-Eygló Harðardóttir félagsmálaráðherra
-Anna Pála Sverrisdóttir formaður Samtakanna ´78

14:15 Vinna hefst í hópum

15.30 Hressing

15.50 Örsögur úr starfinu frá fyrri formönnum
-Guðni Baldursson, fyrsti formaður S78
-Lana Kolbrún Eddudóttir
-Þorvaldur Kristinsson

16.00 Framhald hópavinnu

17:30 Lokaorð og móttaka

Fundarstjórar: Felix Bergsson og Ragnhildur Sverrisdóttir

|

Meira ...

*HINSEGIN HÁTÍÐ*
**Skuggabarinn 1.júní**
***Allur ágóði rennur til ráðgjafaþjónustu Samtakanna***
--ENGLISH BELOW--

1. júní 2013 verður allsherjar hinsegin veisla sem byrjar með Samtakamættinum í Ráðhúsi Reykjavíkur. Til að slá botninn í frábæran dag efna Samtökin '78 til Hinsegin Hátíðar á Skuggabarnum, í glæsilegum húsakynnum Hótel Borgar.

|

Meira ...

Okkur barst skemmtileg stuttmynd frá nemendum í Félagsráðgjafanámi Háskóla Íslands um hinsegin stjúpfjölskyldu og möguleg vandamál sem upp geta komið. Mælum með því að allir kíki á þessa mynd!

|

Meira ...

Grein Önnu Pálu Sverrisdóttur, formanns Samtakanna '78, sem birtist í Fréttatímanum í dag 17. maí 2013:


IDAHO inni í mér

Idaho er fylki í Bandaríkjunum. Því miður er það ekki eitt þeirra ríkja sem nú bætast í hinn stækkandi hóp bandarískra fylkja sem lögleitt hafa hjónabönd fólks af sama kyni – þvert á móti hafa kjósendur þar sett bann við slíku í stjórnarskrá fylkisins. Rugl af því tagi viðgengst sums staðar í Bandaríkjunum líkt og víða annars staðar í heiminum. Hins vegar hafa bandarísk stjórnvöld undanfarin ár staðið sig vel á alþjóðavettvangi með markvissri baráttu í þágu hinsegin fólks og Hillary Clinton átti til dæmis stórleik í þeim efnum sem utanríkisráðherra.

Það er því ekki auðvelt að mála einfalda mynd af Bandaríkjunum og stöðu hinsegin fólks og svoleiðis er staðan víða annars staðar. Það var magnað þegar Frakkar lögleiddu hjónabönd samkynhneigðra um daginn en að sama skapi ógnvekjandi hversu heiftúðug mótmæli urðu. Á allt of mörgum öðrum stöðum í heiminum er myndin því miður einfaldari af því hún er öll í dökkum litum ennþá. Hún Kasha frá Úganda upplýsti Íslendinga um daginn um skelfilega stöðu hinsegin fólks í heimalandi sínu og nú hefur maður frá Nígeríu leitað hælis á Íslandi vegna þess að honum er ekki vært þar vegna samkynhneigðar, sem þungar refsingar liggja við.

|

Meira ...

Úttekt á stöðu og réttindum hinsegin fólks í Evrópu:

Flest ríkin fá falleinkunn og margt ógert hér heima   

Rainbow Europe Map--2013ILGA Europe, Evrópusamtök hinsegin fólks, birta nýja úttekt á stöðu og réttindum hinsegin fólks í Evrópu. Yfirgnæfandi meirihluti ríkja fær falleinkunn og þúsundir íbúa um alla álfuna búa áfram við ótta um ofbeldi og ofsóknir. Ísland þokast upp á við á sviði löggjafar og stefnu stjórnvalda en margt er enn ógert.  

ILGA Europe, Evrópusamtök hinsegin fólks (lesbía, homma, tvíkynhneigðra, trans- og intersexfólks), hafa í tilefni Alþjóðadags gegn hómófóbíu og transfóbíu þann 17. maí gefið út Evrópska regnbogapakkann. Regnbogapakkinn er árleg úttekt á stöðu mannréttinda hinsegin fólks og samanstendur af Regnbogakorti og Ársyfirliti. Kortið mælir stöðu löggjafar og stefnu á sviðum jafnréttis og aðgerða gegn mismunun, fjölskyldumála, hatursorðræðu og -ofbeldis, lagalegrar staðfestingar kyns, funda-, félaga- og tjáningarfrelsis og málefna hælisleitenda. Mælt er í 49 Evrópuríkjum og stig gefin á skalanum 0 til 100%. Ársyfirlitið, sem nú er gefið út í annað sinn, veitir innsýn í daglegt líf og umhverfi hinsegin fólks en saman draga skjölin upp heildarmynd af stöðu hinsegin fólks í Evrópu.

|

Meira ...

Samtökin ´78 fara fram á endurupptöku máls samkynhneigðs hælisleitanda

gayicelandSamtökin ´78, félag hinsegin fólks á Íslandi, fara hér með fram á að innanríkisráðuneytið endurskoði þá ákvörðun að synja samkynhneigða Nígeríumanninum Martin um efnislega meðferð á umsókn um hæli á Íslandi. Hann sótti um hæli á grundvelli kynhneigðar sinnar eftir að hafa flúið frá Nígeríu til Ítalíu vegna ofbeldis og niðurlægingar sem hann mátti sæta. Undanfarin níu ár hefur hann dvalist á Ítalíu við bágbornar aðstæður.

Aðstæður hinsegin fólks í Nígeríu eru afar slæmar og fara versnandi, samkvæmt upplýsingum frá Amnesty International og öðrum mannréttindasamtökum. Nýlega hefur verið hert á löggjöf þar sem gerir samkynhneigð refsiverða og gríðarlegir samfélagslegir fordómar gera að verkum að líf hinsegin fólks er í hættu og ofsóknir á grundvelli kynhneigðar algengar án þess að yfirvöld veiti einstaklingum sem verða fyrir barðinu á slíku nokkra vernd.

|

Meira ...

Síða 6 af 85