Skrifstofa Samtakanna '78 er lokuð frá og með 4.júlí til og með 31. júlí vegna sumarleyfa starfsfólks. Við opnum aftur miðvikudaginn 1. ágúst.

Ásamt skrifstofu Samtakanna '78 þá er félagsmiðstöð fyrir börn og unglinga, stuðningshópar og opnu húsin á fimmtudögum lokuð út júlí. Ráðgjafaþjónusta verður einnig minni í sniðum í júlí vegna sumarleyfa ráðgjafa. Tengdir viðburðir aðildarfélaga verða sérstaklega auglýstir hjá þeim sjálfum og má nálgast upplýsingar um þá á vefsíðum aðildarfélaga eða á Facebook.

Gleðilegt sumar!

|

Ný löggjöf um persónuvernd (GDPR)
Samtökin ’78 munu á næstu dögum bregðast við nýrri löggjöf um persónuvernd og vinnslu persónuupplýsinga (GDPR) sem kemur til framkvæmdar 25. maí 2018 á evrópska efnahagssvæðinu. Persónuvernd okkar félagsfólks hefur ávallt verið lykilatriði og er okkur umhugað um öryggi þeirra upplýsinga. Hér má skoða hvaða upplýsingar Samtökin ’78 geyma hjá sér og af hverju. Einnig munum við uppfæra tölvupóstlista okkar á næstu dögum.
 
Hvaða upplýsingar geyma Samtökin ’78?
Samtökin geyma aðeins þær upplýsingar sem félagsmenn sjálfir skrá niður þegar þeir skrá sig í Samtökin ’78. Þessar upplýsingar eru: Nafn, kennitala, heimilisfang, tölvupóstfang og símanúmer.
Félagar sjálfir ákveða hvort þeir vilji fara á tölvupóstlista félagsins, en það er sérlisti ótengdur félagatalinu sjálfu. Á næstu dögum mun nýr tölvupóstlisti taka við af þeim gamla sem mun falla úr gildi.
Félagatal Samtakanna er vistað hjá framkvæmdastjóra og hefur hann aðgang að því ásamt öðru starfsfólki. Stjórnarmeðlimir hafa einnig aðgang að félagatalinu. Samtökin senda félagatal aldrei með tölvupósti né fjölfalda það að nokkru leyti. Félagatalið er samkeyrt við heimilisfangaskrá Þjóðskrár einu sinni til tvisvar á ári. Einu sinni á ári eru greiðslukröfur vegna félagsgjalda sendar í heimabanka félaga Samtakanna ‘78 og er það gert í samvinnu við viðskiptabanka Samtakanna.
 
Af hverju geyma Samtökin ’78 upplýsingar félaga sinna?
Fyrst og fremst til að framfylgja lögum Samtakanna en skv. þeim eru aðeins skráðir félagar með rétt til fundarsetu og atkvæðagreiðslu  á aðalfundum og félagsfundum Samtakanna. Einnig eru upplýsingar geymdar í þeim tilgangi að hafa samband við félaga og við útdeilingu félagaskírteina.
 
Hvar get ég séð mínar upplýsingar hjá Samtökunum ’78?
Þú getur sent okkur tölvupóst á This email address is being protected from spambots. You need JavaScript enabled to view it. og við látum þig vita hvaða upplýsingar eru skráðar og þá hvar. Við kappkostum að svara þessum beiðnum innan viku. Til að auðvelda úrvinnslu biðjum við þig um að merkja tölvupóstinn „Mínar upplýsingar hjá Samtökunum ‘78“.
 
Deila Samtökin ’78 upplýsingum?
Nei, aldrei. Eins og áður sagði eru aðeins starfsmenn og stjórnarmeðlimir með aðgang að skjalinu sem inniheldur félagatal Samtakanna ‘78. Skjalið er aðeins vistað í einni tölvu. Einu upplýsingar sem Samtökin deila eru tölfræðiupplýsingar s.s. fjöldi einstaklinga á viðburðum, fjöldi einstaklinga sem sækja sér ráðgjöf, fjöldi þeirra sem fá fræðslu o.þ.h. Þessar upplýsingar eru ekki rekjanlegar til einstaklinga. Þó ber að hafa í huga þau atriði sem áður koma fram, þ.e. þjóðskrárkeyrsla og innheimta félagsgjalda.
 
Atriði sem Samtökin ‘78 hafa ávallt í huga:
  • Samtökin ’78 ábyrgjast að gæta upplýsinga um félaga sína vandlega og fara með þær sem trúnaðarupplýsingar, líkt og lög félagsins kveða á um
  • Samtökin ’78 munu aldrei afhenda, selja eða leigja upplýsingar um félaga til þriðja aðila nema ef um þjóðskrárkeyrslu er að ræða eða til að innheimta félagsgjöld.
  • Samtökin ’78 munu ekki afhenda samskiptaupplýsingar félaga til þriðja aðila og munu aldrei nota upplýsingarnar nema til að eiga hófleg og heiðarleg samskipti við félaga.
  • Samtökin ’78 vita að félagar sjálfir (ekki Samtökin ’78) eiga sínar persónuupplýsingar og hafa aðgang að þeim ef þeir kjósa svo.
  • Samtökin ’78 munu eyða félagatali sínu ef þau eru lögð niður í núverandi mynd.
Úrvinnsla og tölfræði
Fleiri einstaklingar en skráðir félagar leita til Samtakanna eftir þjónustu og áskilja Samtökin sér rétt til að útbúa tölfræðilegar samantektir og aðrar ópersónugreinanlegar upplýsingar út frá því, enda er það notað í þeim tilgangi að bæta þjónustu og greina þörf þeirra sem leita til okkar.  Þessir einstaklingar eru ekki endilega félagar og eru ekki endilega með persónugreinanlegar upplýsingar á skrá hjá Samtökunum ‘78.
 
Samtökin ‘78 áskilja sér þann rétt að breyta persónuverndarstefnu sinni, en tryggja að nýjasta stefnan sé ávallt aðgengileg hér á vefnum.
 
|

Percy Stefánsson, fyrrum formaður Samtakanna ’78, er látinn.

Um leið og Samtökin ’78 vilja minnast Percys og hans óeigingjarna starf fyrir Samtökin þá senda þau vinum og aðstandendum hans innilegrar samúðarkveðjur.

Percy Stefánsson var formaður Samtakanna ’78 árið 1997.

|

Áhugasömum félögum Samtakanna '78 er boðið til ritstjórnarsmiðju Afmælisrits Samtakanna '78 sem haldið verður laugardaginn 21. apríl í sal samtakanna að Suðurgötu 3 í Reykjavík.  Með smiðjunni er ætlunin að hefja vinnu við útgáfu afmælisritsins. 
Á smiðjunni gefst félagsmönnum tækifæri til að ræða sýn sína á blaðið og söguna, koma með tillögur að efnistökum og bjóða fram krafta sína.
 
Þátttakendur eru beðnir um að koma með eigin fartölvu á fundinn ásamt glósubók og skriffæra. 
 
Atli Þór Fanndal, ritstjóri Afmælisrits Samtakanna '78, mun svo leiða smiðju þar sem farið verður yfir vinnubrögð, skipulag og samskipti við gerð blaðsins. Smiðjan byggir á námskeiðinu 'Skrifað til áhrifa' sem Atli hefur haldið víða fyrir þá sem vilja skrifa og nýta hið ritaða orð til áhrifa. Árið 2016 hélt Atli einmitt sama námskeið fyrir félagsmenn Samtakanna '78. Þá voru umsagnir þátttakenda allar á eina leið um að námskeiðið hefði verið gagnlegt og skemmtilegt. 
 
 
Öll hjartanlega velkomin, húsnæðið er aðgengilegt. 
 
 
NÁNAR UM SMIÐJUNA
 
Uppbygging:
Við hefjum daginn á að fara yfir vinnubrögð við námskeiði. Kynnast og spjalla svo örlítið saman um hvernig við sjáum hlutina fyrir okkur. Þá taka við þrjár fjörutíu mínútna kennslustundir. Þá er gert ráð fyrir að nokkrar mínútur verði teknar í umræður og spurningar á milli. 
 
Á sunnudeginum ætlum við svo að vinna í hóp og skipuleggja 'mock-blað' saman. Það er gert til að allir sem að blaðinu koma hafi yfirsýn yfir verkið og skilning á vinnu annarra. Þannig getum við sýnt hvort öðru virðingu og skilning á meðan að vinnunni stendur.
 
Námsgögn: 
Þátttakendur eru beðnir um að koma með eigin fartölvu á fundinn ásamt glósubók og skriffæra. Á smiðjunni og við vinnslu blaðsins notum við tól eins og Google Apps. Því er nauðsynlegt að allir séu með tölvu. Hringja má í Atla (888-2103) ef einhverja aðstoð þarf við að finna fartölvu til að nota á smiðjunni.
 
Kennslustundir eru í glæruformi
 
Grunnur – fyrsti– hluti - Að skrifa fyrir mismunandi miðla:
Uppbygging ritaðs efnis miðað við miðilinn sem því er ætlað og markmið skrifanna. Farið verður yfir muninn á því að skrifa blogg, aðsendar greinar á prenti eða í netmiðla og á samfélagsmiðla. Hver er munurinn á því að skrifa frétt, persónulegt bréf, fréttatilkynningu og umsögn svo nokkur dæmi séu nefnd. Þá verður stuttlega fjallað um skrif fyrir ljósvakamiðla það er að segja skrif fyrir eyrað. Hér er áherslan lögð á undirbúning fyrir viðtöl.
 
Frásagnarstíll – annar hluti
Það má segja frá með mismunandi hætti. Í íslenskum fjölmiðlum hefur skapast einskonar lotning fyrir ‘vélrænni og tilfinngalausri rödd’ í greinaskrifum. Sú tegund frásagnastíls er þó ekki endilega rétt né betri en önnur. Farið verður yfir mismunandi sögustíl við framsetningu ritaðs efnis. Notkun myndlíkinga og hvernig forðast má frasa og óþarfa skreytingar við textagerð. Hvernig nýta má sögur af einstaklingum til að vekja áhuga fólks á kerfislægri hegðun, stærri mynd og flóknari hluta sögunnar.
 
Vinnubrögð – þriðji hluti – Heimildavinna, skipulag og markmið
Skrif eru skapandi verkefni sem kalla á fagleg vinnubrögð. Allir geta skrifað og sagt frá en þau okkar sem eru svo heppin að starfa við skriftir njótum ávinnings æfingar. Það eru engir töfrar bakvið góðar greinar, ljóð eða bækur.
 
Um Atla Þór Fanndal
Atli Þór Fanndal relur fyrirtækið Moral Sentiments í Skotlandi en fyrirtækið starfar við upplýsingaöflun, ritstjórn og verkefnastjórnun í Bretlandi, Íslandi og Þýskalandi. Sjálfur er Atli búsettur í Tékklandi en fyrirtækið vinnur nú að því að opna tækniskrifstofu þar í landi. Moral Sentiments sér um útgáfumál fyrir fjölda samtaka og útgefenda. Atli starfaði lengi vel sem fréttamaður og skrifaði reglulega í Kvennablaðið, Man, Grapevine og Fréttatímann á Íslandi en hefur meðal annars skrifað fyrir BBC í Bretlandi, The Nation í Nígeríu og Der Freitag í Þýskalandi. Atli er reglulega álitsgjafi um stjórnmál í sjónvarpi og útvarpi bæði á Íslandi og erlendis. Þá hefur Atli framleitt sjónvarps- og útvarpsefni. Síðast árið 2014 þegar hann ásamt Sigurði Júlíus Guðmyndssyni framleidd þættina Öfugmæli um hinsegin sögu, menningu og pólitík.
|

Ráðgjafar- og fræðsluhlutverk Samtakanna ´78 verður eflt í samræmi við áherslur stjórnvalda um að koma Íslandi í fremstu röð í málefnum hinsegin fólks. Ásmundur Einar Daðason félags- og jafnréttismálaráðherra og Daníel E. Arnarsson,  framkvæmdasstjóri samtakanna hafa undirritað þjónustusamning þessa efnis.
 
Í samningnum er fjallað um þá fræðslu og þjónustu sem Samtökin ´78 munu annast fyrir fjárframlag velferðarráðuneytisins. Í  því felst sértæk ráðgjöf og fræðsla um málefni hinsegin fólks, jafnt fyrir hlutaðeigandi einstaklinga, aðstandendur þeirra og fyrir fagfólk sem nýst getur slík fræðsla í störfum sínum, líkt og nánar er skilgreint í samningnum. Markmiðið er að skapa hinseginvænt samfélag og auka sýnileika hinsegin fólks.
 
Hlutverk Samtakanna ´78 hefur breyst á liðnum árum og verkefnin beinst í vaxandi mæli að því að sinna einstaklingsmálum, fræðslu og ráðgjöf. Sérstaklega er fjallað um þetta í samningnum þar sem kveðið er á um að hinsegin fólki og aðstandendum þess skuli standa til boða, því að kostnaðarlausu, ráðgjöf vegna persónulegra mála, félags- og sálfræðiráðgjöf og lögfræðiráðgjöf. Þjónustan skal veitt á landsvísu eftir því sem við verður komið og ef einstaklingar hafa þörf fyrir túlk skulu samtökin hafa milligöngu um það samkvæmt samningnum.
 
Þjónusta við flóttafólk og innflytjendur
Sérstaklega er fjallað um stuðning við hinsegin flóttafólk í samningnum og einnig um að Samtökin ´78 skuli vinna að því að kynna innflytjendum réttindi hinsegin fólks með upplýsingaefni og fræðslu eins og kostur er. Þá skulu samtökin ráfæra sig við Fjölmenningarsetrið við gerð þessa upplýsingaefnis.
 
Ásmundur Einar Daðason segir samninginn mikið ánægjuefni. Samtökin verðskuldi aukinn stuðning og að hans mati standi samfélagið í þakkarskuld við þau fyrir mikilvægt starf undanfarin 40 ár: „Ég veit að fræðsla og stuðningur samtakanna hafa í gegnum tíðina verið mörgum lífsnauðsynlegur stuðningur og gert fólki sem átti í mikilli tilvistarkreppu kleift að horfa björtum augum á lífið og vera stolt af sjálfu sér eins og vera  ber.“
 
„Við í Samtökunum horfum björtum augum á framtíðina og þessi samningur er stórt skref fyrir okkur og okkar rekstur sem hefur verið fjársveltur síðustu ár. Við viljum styrkja rekstur okkar og jafnvel ráðast í stærri verkefni í þágu hinsegin fólks til að auka sýnileika og réttindi, og það er frábært að ráðherra hafi tekið svo vel í okkar málflutning. Enn er langt í land þegar kemur að fjármögnun Samtakanna en þessi samningur er gott fyrsta skref og við hlökkum til að eiga nánara samstarf með ráðuneytinu og ráðherra“ sagði Daníel E. Arnarsson að lokinni undirritun samningsins.
 
Samkvæmt þjónustusamningnum fá Samtökin ´78 greiddar 12 milljónir króna á þessu ári til að sinna þeim verkefnum sem tilgreind eru. Enn fremur hefur verið ákveðið að velferðarráðuneytið og samtökin vinni sameiginlega að því að endurskoða framlög til samtakanna með það að markmiði að opinber stuðningur verði sambærilegur því sem tíðkast gagnvart systursamtökum þeirra annars staðar á Norðurlöndunum.
 
Sameiginleg fréttatilkynning Samtakanna '78 og Velferðarráðuneytisins
|

Á aðalfundi Samtakanna sem haldinn var í gær, 4. mars, voru gefin út ný félagsskírteini.

Með félagsskírteininu getur þú, kæri félagi, fengið afslætti hjá eftirtöldum fyrirtækjum og samtökum. Þú getur sótt félagsskírteinið þitt á skrifstofuna eða sent okkur póst á This email address is being protected from spambots. You need JavaScript enabled to view it. til að fá það sent heim að dyrum. Við viljum nýta tækifærið og þakka þessum fyrirtækjum og félögum innilega fyrir velvildina.

Afsláttarkjör til félaga (ath. gildir ekki með öðrum tilboðum).

  • Adam & Eva - 10% afsláttur
  • Café Haiti - 10% afsláttur
  • Iða Zimzen - 10% afsláttur
  • Mál & Menning - 10% afsláttur
  • Jómfrúin - 10% afsláttur af matseðli
  • Rúblan, kaffihús - 10% afsláttur af matseðli
  • Kattakaffihúsið - 10% afsláttur af matseðli
  • Kaffi Vínyl - 10% afsláttur af matseðli
  • Grillmarkaðurinn - 10% afsláttur af matseðli í hádeginu
  • Fatabúð Kormáks & Skjaldar - 10% afsláttur af öllum vörum
  • Blush -10% afsláttur af vörum
  • Omnom - 10% afsláttur í verslun
  • Hamborgarabúlla Tómasar - 15% afsláttur
  • Skúli Fógeti - 15% afsláttur
  • Hlemmur Square - 15% afsláttur
  • Kopar - 15% afsláttur af matseðli
  • Bergsson Mathús - 15% afsláttur af matseðli
  • Matarkjallarinn - 15% afsláttur af matseðli í hádeginu
  • Tölvutek - 15% afsláttur af vörulínu
  • Iðnó - 15% afsláttur í hádeginu
  • Karatefélagið Þórshamar - 15% afsláttur, gildir fyrir félagann sjálfan eða eitt barn félagans
  • Móðurást - 20% afsláttur af álfabikar
  • KIKI - Extended Happy Hour til 01 og aðgangur að VIQ-korti
  • Pink Iceland - Sértækir afslættir
  • Gaukurinn - Sértilboð á barnum!
 
|

Vegna aðalfundar Samtakanna ’78 sem haldinn verður 4. mars 2018 kallaði kjörnefnd eftir framboðum til trúnaðarstarfa fyrir félagið. Tilkynningu þess efnis sendi nefndin frá sér þann 29. janúar 2018. Framboðsfrestur rann út þann 18. febrúar fyrir framboð í stjórn en framboðsfrestur í trúnaðarráð rennur ekki út fyrr en á fundinum sjálfum.

Hér að neðan eru þau framboð sem bárust fyrir tilskilinn frest ásamt framboðskynningum til stjórnar. Framboðum í trúnaðarráð verður bætt hér um leið og þau berast en enn er hægt að bjóða sig fram í trúnaðarráð með því að senda póst á This email address is being protected from spambots. You need JavaScript enabled to view it. 

 

Framboð til formanns stjórnar Samtakanna '78 (1 framboð af 1)
Framboð í stjórn til tveggja ára (3 framboð af 3)
Framboð í stjórn til eins árs (3 framboð af 3)
Framboð í trúnaðarráð &Skoðunarmenn reikninga :  (kynning hér.

Í kjörnefnd sitja Ásta Kristín Benediktsdóttir, Sigurgeir Ingi Auðar-Þorkelsson og Svanfríður Anna Lárusdóttir. Ef þú hefur athugasemdir til kjörnefndar þá má senda póst á netfangið This email address is being protected from spambots. You need JavaScript enabled to view it.

Virðingarfyllst, 

kjörnefnd

 

Framboð til formanns

María Helga Guðmundsdóttir

1.1 Nafn og aldur

María Helga Guðmundsdóttir, 30 ára

1.2 Fyrri reynsla (t.d. Menntun, starf, félagsstörf og þess háttar)

Ég er með MS og BS gráður í jarðfræði og BA í þýskum bókmenntum frá Stanfordháskóla. Ég starfa sjálfstætt sem við þýðingar og karatekennslu. Auk starfa minna sem þýðandi hef ég fjölbreytta reynslu af verkefna- og viðburðastjórn, kennslu og námsefnisgerð á ýmsum sviðum. Ég er landsliðskona í karate og yfirþjálfari barna og unglinga hjá Karatefélaginu Þórshamri og var formaður félagsins 2015–2017. Ég er sjálfboðaliði hjá Stelpur rokka! og var formaður félagsins Gettu betur-stelpna í tvö ár og stýrði þar fjölmennum æfingabúðum.

1.3 Fyrri verkefni/störf innan Samtakanna ’78

Ég er formaður Samtakanna ‘78 og hef gegnt því embætti síðan í september 2016. Á tímabilinu mars–sept 2016 sat ég í trúnaðarráði og stjórn, fyrst sem áheyrnarfulltrúi og síðar meðstjórnandi.

Ég hef verið virkur sjálfboðaliði síðan 2013 í ýmsum verkefnum. Ég sat m.a. í dómnefnd Hýryrða 2015 og er höfundur hinsegin fræðsluefnisins sem nú er kennt í þjálfaranámi ÍSÍ og KSÍ. Að auki hef ég unnið að þýðingum fyrir Samtökin ‘78, Intersex Ísland og OII Europe og þýtt heimildamyndir um hinsegin málefni fyrir RÚV.

2.1 Hvert er mat þitt á stöðu Samtakanna '78 í dag og þeim verkefnum sem unnið hefur verið að á síðustu árum?

Samtökin standa að mörgu leyti mjög vel og njóta trausts innan samfélagsins. Eftirspurn eftir ráðgjöf og fræðslu frá félaginu hefur farið vaxandi enn eitt árið í röð. Þjónustusamningar við sveitarfélög eru lykilatriði í því að tryggja að við getum haldið starfseminni gangandi og annað vaxandi eftirspurn. Á starfsárinu 2017–18 voru tveir mikilvægir þjónustusamningar endurnýjaðir: samningur við Hafnarfjörð til eins árs og við Reykjavík til þriggja ára. Í fyrsta sinn var samið við Reykjavíkurborg til þriggja ára um rekstur hinsegin félagsmiðstöðvar fyrir ungliða Samtakanna ‘78. Þar með lýkur loks 18 mánaða óvissutímabili þar sem oft hefur verið útlit fyrir að loka verði félagsmiðstöðinni.

Mörg önnur mikilvæg verkefni hafa komist af stað á árinu. Samstarf við Landspítala og HIV Ísland í kynheilsumálum var aukið, m.a. með því að bjóða upp á hraðpróf fyrir HIV og lifrarbólgu C á opnu kvöldi í húsnæði S78. Með tíð og tíma er stefnt að því að þetta verði fastur liður. Fulltrúar S78 hafa tekið þátt í vinnu starfshóps um heimilisofbeldi og ofbeldi í nánum samböndum á vegum Reykjavíkurborgar og tekur nú við úrvinnsla á tillögum starfshópsins. Þá hefur nýafstaðið málþing um málefni intersex fólks vakið eftirtekt út fyrir landsteinana, enda um viðburð í heimsgæðaflokki að ræða. Í mínum huga einkennast þessi verkefni af metnaði og fagmennsku sem félagsfólk getur verið stolt af.

Á árinu gerðust einnig þau miklu tíðindi að hinsegin málefna er í fyrsta sinn getið í stjórnarsáttmála íslensku ríkisstjórnarinnar. Eftir mikla vinnu Samtakanna ‘78, Trans Íslands og Intersex Íslands með fulltrúum löggjafarvaldsins undanfarin ár eru því vonir til að nauðsynlegar breytingar á lögum um réttindi trans og intersex fólks gangi í gegn á næstunni.

Talsvert örlar á þreytu meðal sjálfboðaliða og það er stöðugt verkefni að búa þeim gott umhverfi svo félagið fái að njóta krafta þeirra sem lengst. Einnig er mikilvægt að halda áfram að byggja traust og stuðning milli ólíkra hópa innan hinsegin samfélagsins. Þetta eru langtímaverkefni sem fer ekki mikið fyrir og geta gleymst í dagsins önn.

2.2 Hver er þín sýn á starf Samtakanna '78 næstu 2-3 ár og á hvaða sviði telur þú þig geta lagt mest af mörkum? (Hvaða verkefnum þarf að sinna, í hvaða aðgerðir þarf að ráðast og svo framvegis)

Starfsemi félagsins er fjölþætt og mjög umfangsmikil, sérstaklega miðað við fjárhag. Hún veltur nú sem fyrr að miklu leyti á sjálfboðavinnu, ólíkt því sem er hjá systurfélögum okkar í nágrannalöndum, sem mörg hver hafa á annan tug launaðra starfsmanna sem sinna ráðgjöf, fræðslu, útgáfumálum, almannatengslum, skipulagningu viðburða, stuðningi fyrir eldra hinsegin fólk, o.s.frv. Undanfarin ár hefur verið unnið markvisst að því að styrkja rekstrargrundvöll félagsins svo hægt sé að ráða fleira launað starfsfólk. Það hefur tekist upp að vissu marki, en betur má ef duga skal. Þjónustusamningar við fleiri sveitarfélög en Reykjavík og Hafnarfjörð og markviss verkefnatengd fjáröflun úr einkageiranum skipta höfuðmáli til að tryggja sjálfbærni starfseminnar til lengri tíma.

Fjörutíu ára afmælisár Samtakanna ‘78 er gengið í garð og undirbúningur er hafinn á afmælishátíð, sem fyrirhuguð er í júní, og útgáfu veglegs afmælisrits að hausti. Stjórn og afmælisnefnd hafa haft samráð um ráðningu Atla Þórs Fanndal sem ritstjóra afmælisritsins, en hann ritstýrði síðasta tölublaði Rauða borðans fyrir HIV-Ísland og hefur mikla þekkingu á hinsegin samfélaginu. Í afmælisritinu gefst kjörið tækifæri til að horfa yfir farinn veg, setja sögu félagsins í samhengi og brúa bilið milli kynslóða.

Fleira er einnig á döfinni í útgáfumálum félagsins. Hafist var handa við endurútgáfu Reaching Out, upplýsingabækling fyrir hinsegin fólk af erlendum uppruna, og er útgáfa hans áætluð um mitt ár 2018. Þetta er mikilvægt skref í því að gera starfsemi félagsins aðgengilega sem flestu fólki, en mikill skortur hefur verið á upplýsingum um starf S78 á öðrum tungumálum en íslensku.

Félagið er með mörg járn í eldinum. Á komandi ári tel ég mikilvægt að forgangsraða, bæta ekki nýjum kvöðum við að óþörfu og reyna frekar að sinna þeim verkefnum vel sem komin eru af stað. Þar tel ég skipulagshæfileika mína, þekkingu á innra starfi S78 og reynslu af samskiptum við opinberar stofnanir koma að góðum notum.

Það hefur verið heiður að vinna með þeim öfluga hópi starfsfólks og sjálfboðaliða sem stendur vaktina á Suðurgötunni undanfarin ár. Ég vona að félagsfólk treysti mér til að leiða þá starfsemi áfram.

 

Framboð í stjórn til tveggja ára

Rúnar Þórir Ingólfsson

1.1 Nafn og aldur
Rúnar Þórir Ingólfsson að verða 54 ára gamall í sumar.
 
1.2 Fyrri reynsla (t.d. Menntun, starf, félagsstörf og þess háttar)
Ég hef haft matreiðsluréttindi síðan árið 1994 og félagsliðaréttindi síðan 2008. Ég hef unnið á mörgum veitingastöðum og hótelum og vann líka áður með heilabiluðum á hjúkrunarheimilinu Eir. Nú starfa ég sem matráðsmaður í eldhúsi leikskólans Rjúpnahæð í Kópavogi.
Ég var líka formaður HLDI (Hommar og lesbíur döff á Íslandi) á árunum 1994–2000.
 
1.4 Fyrri verkefni/störf innan Samtakanna ’78
Ég hef ekki unnið með Samtökunum ’78 áður en mig hefur lengi langað til að tengjast þeim. Mig langar til að stuðla að því að ýmsir hópar sem oft gleymast, til dæmis heyrnarskertir eins og ég, fái að vera sýnilegir á vettvangi Samtakanna.
 
2.1 Hvert er mat þitt á stöðu Samtakanna '78 í dag og þeim verkefnum sem unnið hefur verið að á síðustu árum?
Ég er ánægður með starf Samtakanna undanfarin ár og vil halda áfram á sömu braut. Mér finnst mikilvægt að stuðla að samvinnu og að stjórn samtakanna fylgist með því sem ólíkir hópar eru að gera og hlusti á þá og niðurstöður þeirra.
 
2.2 Hver er þín sýn á starf Samtakanna '78 næstu 2-3 ár og á hvaða sviði telur þú þig geta lagt mest af mörkum? (Hvaða verkefnum þarf að sinna, í hvaða aðgerðir þarf að ráðast og svo framvegis)
Mér finnst að Samtökin ættu að leitast við að vera opin og aðgengileg, til dæmis mætti reyna að lengja almennan opnunartíma og hafa fleiri opin kvöld þar sem fólk, bæði þau sem búa hér og ferðamenn, getur komið við og spjallað og fengið upplýsingar.
 
Ég vil vinna að því að gera Samtökin aðgengilegri fyrir heyrnarskert fólk, ekki síst ferðamenn sem hingað koma.
 
 
 
 
Unnsteinn Jóhannsson
 
1.1 Nafn og aldur.
Unnsteinn Jóhannsson, þrjátíu og eins
 
1.2 Fyrri reynsla (t.d. menntun, starf, félagsstörf og þess háttar)
Ég er menntaður í skapandi verkefnastjórn með áherslu á samfélagslega nýsköpun frá KaosPilot skólanum í Århus í Danmörku. Frá 9 ára aldri hafa félagsstörf verið hluti af mínu lífi og hef ég verið þátttakandi, sjálfboðaliði og starfsmaður í hinum ýmsu félagasamtökum. Þar á meðal hef ég verið verið skátaforingi, farið utan sem AFS skiptinemi, starfað sem formaður og varaformaður ýmissa félaga og unnið mörg krefjandi verkefni. Ég hef ánægju af því að vinna með fólki og sjá þegar hægt er að hafa áhrif til góðs. Sérstaklega hef ég áhuga á að takast á við ný, krefjandi og spennandi verkefni af öllum gerðum.
Sem KaosPilot get ég tekist á við verkefni með opnum hug. Ég sé margar mismunandi hliðar á
áskorunum og hef ég einsett mér að því að rækta leiðtogahæfni mína. Mínir styrkleikar eru einnig að ég á auðvelt með að kynnast fólki og hef gott lag á að mynda sterkt og gott tengslanet.
 
1.3 Stutt samantekt á núverandi högum (m.a. fjölskylduhagir og annað sem frambjóðandi vill taka fram).
Fæddur í Hlíðunum og uppalinn í Garðabænum. Skáti, bróðir, KaosPilot, eiginmaður, hundaeigandi, opinskár, pólitíkst nörd, pylsugerðamaður, forvitinn og með sterka réttlætiskennd.
 
1.4 Fyrri verkefni/störf innan Samtakanna '78.
Ég hef setið í trúnaðarráði tvö ár í röð. Og sat í stjórn árið 2016 þá sem varaformaður en því miður vegna vinnu minnar varð ég að segja þeirri stöðu lausri. Einnig kom ég að því árið 2014 að skipuleggja „Tónleika með tilgang“ sem Samtökin 78 og Amnesty International stóðu fyrir til að vekja athygli á mannréttindabrotum gegn hinsegin fólki í Úganda og safna fé til handa hinsegin aðgerðarsinnum þar í landi.
 
2.1 Hvert er mat þitt á stöðu Samtakanna ‚78 í dag og þeim verkefnum sem unnið hefur verið að á síðustu árum?
Síðustu ár hef ég notið þeirra forréttinda að fá að fylgjast með og taka þátt í starfi Samtakanna. Hafa þetta bæði reynst skemmtilegir og jákvæðir tímar en einnig má því ekki gleyma að síðustu ár hafa reynst erfið. Það hefur verið jákvætt og gott að taka þátt í faglegri uppbyggingu á starfsemi Samtakanna, þar á meðal að sjá hvernig ungliðastarfið er nú í faglegum höndum og blómstrar sem aldrei fyrr. Nýir og góðir samningar við sveitarfélög staðfesta að starfsemi Samtakanna er mikilvæg. Ráðgjöfin og jafningjafræðslan eru órúfjanlegur partur af Samtökunum sem mikilvægt er að standa vörð um. Stöndum við í þakkarskuld við öll þau sem vinna óeigingjarnt starf í þágu samtakanna til að halda úti þessari góðu þjónustu.
 
Starfsemi Samtakanna ‘78 er mjög öflug og er það að þakka öllum þeim sjálfboðaliðum sem sameinast í að halda úti öllum þeim fjölmörgu viðburðum og félagslífi sem á sér stað. Mikilvægt er að halda í þann auð og finna leiðir til að virkja fleiri svo Samtökin séu enn staður fyrir fjölbreyttan hóp fólks. Það má heldur ekki gleyma starfsmönnum Samtakanna sem vinna kraftaverk miðað við systurfélög okkar á Norðurlöndunum. Von mín er að hægt verði að auka starfsgildum svo starfsemin megi vaxa enn meir.
 
2.2 Hver er þín sýn á starf Samtakanna ’78 næstu 2-3 ár og á hvaða sviði telur þú þig geta lagt mest af mörkum? (Hvaða verkefnum þarf að sinna, í hvaða aðgerðir þarf að ráðast og svo framvegis)
Þetta ár er afmælisár og þykist ég vita að nú þegar eru spennandi hugmyndir um hvernig skuli fagna öllu því sem áorkað hefur verið hingað til. Það yrði heiður að fá að fylgja þeim hugmyndum eftir og geta gleðst og fagnað með öllum þeim sem hafa lagt hönd á plóg. Við slík tímamót er einnig gott að staldra við og horfa til framtíðar. Ég myndi vilja vinna með góðum hópi að því að leggja grunninn fyrir næstu 5 árin. Mér hefur verið ofarlega í huga að vinna að því að skerpa og skýra hlutverk trúnaðarráðs og myndi það vera eitt af þeim málum sem ég myndi leggja kapp á að vinna að. Gagnsæi og góð samvinna er mér mikilvæg og myndi ég vilja vinna enn betur að því að upplýsa félagsfólk að hvaða verkefnum er unnið að hverju sinni og hver framganga verkefnanna er. Málefni hinsegin fjölskyldna, hinsegin hælisleitenda og flóttafólks sem og nýjar leiðir til fjáröflunar eru enn mér mikilvæg sem fyrr og því býð ég mig fram til að vinna að þeim málum.
 
 
 
Þorbjörg Þorvaldsdóttir
 
1.1 Nafn og aldur.
Ég heiti Þorbjörg Þorvaldsdóttir og er 28 ára.
 
1.2 Fyrri reynsla (t.d. menntun, starf, félagsstörf og þess háttar)
Ég er málfræðingur að mennt. Ég lauk nýlega meistaraprófi í málvísindum og stunda nú doktorsnám í íslenskri málfræði. Í gegnum tíðina hef ég tekið þátt í hinum ýmsu félagsstörfum, t.d. hef ég setið í stjórnum nemendafélaga í menntaskóla (gjaldkeri Skólafélags Menntaskólans í Reykjavík) og háskóla (ritari Mímis, félags stúdenta í íslenskum fræðum og almennum málvísindum) auk þess sem ég hef tekið virkan þátt í stjórnmálastarfi (með UJ). Meðfram námi hef ég starfað í aðhlynningu, sem barþjónn, móttökustarfsmaður á hóteli og flugfreyja.
 
1.3 Stutt samantekt á núverandi högum (m.a. fjölskylduhagir og annað sem frambjóðandi vill taka fram).
Ég er nýflutt aftur heim til Íslands eftir nám, en ég hef búið í Hollandi síðustu tvö og hálft ár. Ég er kvænt Silju Ýr S. Leifsdóttur og saman eigum við tveggja ára dóttur sem heitir Valbjörg María og 9 ára kött sem heitir Ninja. Á daginn skrifa ég og hugsa um samræmi í kyni og tölu, en á kvöldin kúri ég gjarnan í sófanum og les fantasíubókmenntir eða horfi á Vikings.
 
1.4 Fyrri verkefni/störf innan Samtakanna '78.
Ég kom fyrst inn í starf Samtakanna '78 árið 2015, þegar ég sat í trúnaðarráði. Mitt helsta verkefni var að taka þátt í að skipuleggja nýyrðasamkeppnina Hýryrði 2015, þar sem frábær nýyrði eins og t.d. vífguma og flæðigerva urðu til. Síðan ég flutti til Hollands hefur þátttaka mín í starfi Samtakanna aðallega falist í því að læka og deila á samfélagsmiðlum, en nú vil ég mjög gjarnan bjóða fram krafta mína af alvöru og býð mig því fram til tveggja ára setu í stjórn.
 
2.1 Hvert er mat þitt á stöðu Samtakanna '78 í dag og þeim verkefnum sem unnið hefur verið að á síðustu árum?
Mér finnst Samtökin '78 hafa staðið sig frábærlega síðustu ár. Þótt ég hafi aðeins getað fylgst með úr fjarska þá hefur gróskan í starfinu svo sannarlega skilað sér yfir hafið. Það er sérstaklega ánægjulegt að sjá hvað fræðslustarfið er öflugt. Mér finnst Samtökin '78 standa sterkt ekki síst vegna þess að ég hef þá tilfinningu að þau standi vörð um hag allra hinsegin einstaklinga, allt frá ungum intersex börnum til aldraðra homma og lesbía. Það er líka augljóst að reynt hefur verið að koma til móts við sem flesta hópa, t.d. þegar kemur að opnum húsum, og það er virkilega gott að vita af því að faglegt og flott starf er unnið með hinsegin unglingum. Samtökin eru virt í samfélaginu og sjá til þess að rödd okkar allra heyrist hátt og snjallt.
 
2.2 Hver er þín sýn á starf Samtakanna '78 næstu 2-3 ár og á hvaða sviði telur þú þig geta lagt mest af mörkum? (Hvaða verkefnum þarf að sinna, hverju hefur þú helst áhuga á að vinna að sem stjórnarmeðlimur, í hvaða aðgerðir þarf að ráðast og svo framvegis.)
Næstu ár finnst mér Samtökin '78 eiga að halda áfram í sömu átt og standa stolt undir hlutverki sínu sem aðaldrifkrafturinn í hagsmunabaráttu hinsegin fólks á Íslandi. Mikilvægasta verkefnið að mínu mati er að þrýsta áfram á löggjafann í því að tryggja lagaleg réttindi hinsegin fólks (toppum þetta ILGA kort!) og veita kerfinu aðhald þar sem þörf er á í samráði við aðildarfélög.
 
Þótt staðan á Íslandi sé að mörgu leyti góð verðum við að gæta þess að sofna aldrei á verðinum. Við eigum að efla fræðslustarfið enn frekar og halda viðburði sem vekja athygli og leiða til umræðu í samfélaginu. Það hefur sýnt sig að almenningsálitið getur tekið hröðum breytingum hér á landi. Ísland er kannski engin hinsegin útópía, en getur komist ansi nálægt því með samstilltu átaki. Svo skiptir auðvitað miklu máli að halda í gleðina og standa fyrir viðburðum þar sem félagsfólk kemur saman, skemmtir sér og kynnist hvert öðru.
 
Ég hef langa reynslu af viðburða- og verkefnastjórnun innan félagasamtaka og tel að sú reynsla geti komið sér vel í stjórn Samtakanna '78. Ég hef sérstakan áhuga á því að koma að málefnum sem varða hinsegin fjölskyldur og get talað af þekkingu þegar rætt er um hinseginvæðingu tungumálsins okkar. Ég vonast til þess að fá tækifæri til þess að taka þátt í því að móta starf Samtakanna '78 á þeim sterka grunni sem lagður hefur verið undanfarin ár.
 
Framboð í stjórn til eins árs
 
 
Marion Lerner
 
Ég fæddist 1968 í Þýskalandi en flutti til Íslands 1998. Ég er menningar- og þýðingafræðingur og vinn við Háskóla Íslands. Auk þess er ég leiðsögukona og þýðandi úr íslensku yfir á þýsku. Ég hef margra ára reynslu af stjórnarstörfum, m.a. í Félagi leiðsögumanna og Bandalagi þýðenda og túlka á Íslandi. 
 
Þótt ég hafi gengið í Samtökin 78 mjög fljótlega eftir að ég flutti til Íslands, hef ég ekki verið virk í þeim í langan tíma en breytti þessu árið 2016. Ég tók m.a. þátt í endurskoðun laganna fyrir aðlafundinn 2017 og var formaður lagabreytingarnenfndar. Á aðalfundinum 2017 var ég kosin í trúnaðarráð Samtakanna og var áheyrnarfulltrúi trúnaðarráðs í stjórninni í eitt ár. Ég hef því setið marga stjórnarfundi og fengið mjög góða innsýn í starfsemi og stöðu félagsins.
 
Mér finnst aðdáunarvert hvað þetta litla félag sem reiðir sig að mestu á sjálfboðavinnu getur áorkað: umfangsmikil fræðslustörf, ráðgjafarþjónusta, samvinna við ýmis önnur félagasamtök, almenn félagsstörf með opnum húsum, viðburðum, klúbbum, ráðstefnum o.s.frv. en síðast og ekki síst að standa vörð um réttindi hinsegin fólks.
Á þessu ári halda Samtökin 78 upp á 40 ára afmæli sitt. Þetta er gott tækifæri til að horfa til baka og reyna að tengja sögu Samtakanna við framtíð þeirra. Að mínu mati þarf að reyna enn frekar að brúa bilið á milli kynslóða og ýmissa hópa innan Samtakanna.
 
 
 
 
Sigurður Júlíus Guðmundsson
 
1.1 Nafn og aldur
Sigurður Júlíus Guðmundsson, 37 ára.
 
1.2 Fyrri reynsla (t.d. Menntun, starf, félagsstörf og þess háttar)
Ég er menntaður fjölmiðlatæknir auk þess að hafa klárað nám í forritun og frumkvöðlafræðum. Ég starfa sem tæknimaður hjá AP Media og sinni þar fjölbreyttum verkefnum. Ég er meðlimur í hinsegin kórnum og hef verið frá upphafi hans með hléum. Ég er meðlimu í búddistafélaginu SGI á Íslandi og hef iðkað búddisma í yfir fimmtán ár. Þá tók ég þátt í útgáfu Hýraugans á sínum tíma og ég framleiddi einnig þáttaröðina Öfugmæli sem sýnd var á iSTV og er nú aðgengileg á Youtube.
 
1.3 Stutt samantekt á núverandi högum (m.a. fjölskylduhagir og annað sem frambjóðandi vill taka fram)
Ég er upphaflega frá Ólafsfirði en hef búið í Reykjavík frá unglingsárum og er giftur Andrés Peláez.
 
1.4 Fyrri verkefni/störf innan Samtakanna '78
Ég hef verið viðloðinn Samtökin ‘78 í mörg ár og komið að fjölmörgum verkefnum þeim tengdum. Þá hef ég setið í stjórn og trúnaðarráði samanlagt i fimm og hálft ár og hef sinnt embættum Formanns trúnaðaráðs, meðstjórnanda í stjórn og Varaformanns í þrjú ár. 
 
2.1 Hvert er mat þitt á stöðu Samtakanna '78 í dag og þeim verkefnum sem unnið hefur verið að á síðustu árum?
Samtökin eru enn að jafna sig eftir erfiðar baráttur undanfarinna ára en staða Samtakanna er sterk. Staða samtakanna hefur verið að eflast og með auknu fjármagni, sem vonandi má nýta til aukningar starfsfólks, mun staðan batna enn meira. Mikilvægasta verkefni samtakanna núna er að auka fjármagn inn í félagið svo að svo megi verða. 
 
2.2 Hver er þín sýn á starf Samtakanna '78 næstu 2-3 ár og á hvaða sviði telur þú þig geta lagt mest af mörkum? (Hvaða verkefnum þarf að sinna, hverju hefur þú helst áhuga á að vinna að sem stjórnarmeðlimur, í hvaða aðgerðir þarf að ráðast og svo framvegis)
Eins og áður segir tel ég fjáröflun vera eitt mikilvægasta verkefni Samtakanna. Þótt mikilvægt sé að halda uppi pressu á stjórnvöld að bæta lagalega stöðu hinsegin fólks, halda úti fræðslustarfi og reka félagsmiðstöð fyrir hinsegin ungmenni þá er óraunhæft að gera það að mestu með sjálfboðaliðastarfi mikið lengur. Frá upphafi hafa Samtökin notið gríðarlega góðs af sjálfboðaliðum og þrotlausu starfi þeirra í þágu félagsins og samfélags okkar hinsegin fólks á hverjum tíma. En á hverju ári brennur einhver hluti þessa fólks út og hverfur af vettvangi Samtakanna og sumir sjást þar aldrei aftur. Þetta er ekki sjálfbær starfsemi og eina lausnin er að geta ráðið fleira starfsfólk til að sjá um daglegan rekstur og hafa umsjón með mikilvægum verkefnum félagsins. Sjálfboðaliðastarf á að vera gefandi upplifun en verður því miður oft þungur baggi sem er óásættanlegt ástand sem við þurfum að finna leið til að laga.
 
Þar fyrir utan þurfum við að þrýsta af krafti á stjórnvöld til að standa við loforð um bætta löggjöf sem á að vera tilbúin til meðferðar á Alþingi.
 
 
 
Þórhildur Elínardóttir Magnúsdóttir
 
1.1 Nafn og aldur.
Þórhildur Elínardóttir Magnúsdóttir, 17 ára
 
1.2 Fyrri reynsla (t.d. menntun, starf, félagsstörf og þess háttar)
Ég hlaut stúdentspróf af málabraut frá Menntaskólanum við Hamrahlíð í desember 2017. Í MH stofnaði ég ásamt öðrum fyrsta hinseginfélag skólans og var formaður þess veturinn 2016-2017. Ég gegndi einnig ýmsum öðrum embættum innan nemendafélagsins í skólanum.
Utan skóla tók ég virkan þátt í félagsstarfi og var m.a. ráðgjafi í Ráðgjafarhóp Umboðsmanns barna frá vorinu 2015 fram á haust 2017 og meðlimur í Ungmennaráði Barnaheilla veturinn 2015-2016 samhliða því að vera virkur sjálfboðaliði í Samtökunum ´78.
 
1.3 Stutt samantekt á núverandi högum (m.a. fjölskylduhagir og annað sem frambjóðandi vill taka fram).
Ég er fædd og uppalin í Kópavogi þar sem ég bý með foreldrum mínum, eldri bróður og tvíburasystur. Ég er skáti, lestrarhestur og mikill tónlistarunnandi. Eins og er stunda ég nám við alþjóðlegan lýðháskóla í Danmörku sem heitir International People‘s College og mun ég vera búsett í Danmörku fram á sumar. Næsta haust stefni ég á nám við Háskóla Íslands.
 
1.4 Fyrri verkefni/störf innan Samtakanna '78.
Ég byrjaði að mæta á ungliðafundi hjá Samtökunum árið 2014. Í byrjun hausts 2015 byrjaði ég svo í jafningjafræðslu ´78 og hef verið virkur jafningjafræðari síðan. Í mars 2016 var ég kjörin í trúnaðarráð og gegndi þar embætti varaformanns fram að aðalfundinum í september 2016. Í september var ég kjörin aftur í trúnaðarráð og tók við embætti varaformanns á ný. Í byrjun febrúar 2017 var ég tilnefnd af trúnaðarráði til að taka sæti í stjórn og tók þar við embætti ritara. Á aðalfundi í mars 2017 var ég kjörin sem meðstjórnandi í stjórn og hef gegnt þeirri stöðu síðan þá.
 
2.1 Hvert er mat þitt á stöðu Samtakanna '78 í dag og þeim verkefnum sem unnið hefur verið að á síðustu árum?
Að mínu mati er staða Samtakanna góð í dag. Á síðustu árum hefur átt sér stað mikil uppbygging innan félagsins þrátt fyrir ólgu og tel ég félagið vera sterkara nú en nokkurn tímann áður.
Jafningjafræðslan hefur haldið áfram að blómstra líkt og áður fyrr, ungliðastarfið hlaut yfirhalningu sem var löngu tímabær og innra félagsstarf Samtakanna er gjörsamlega stútfullt af fjölbreyttum einstaklingum sem framkvæma og skapa ótrúlega hluti í hverri viku.
Stuðningur við hinsegin hælisleitendur hefur líka aukist á síðustu árum enda var mikil þörf á slíkri þjónustu hérlendis og fagna ég því framförunum sem hafa átt sér stað á því sviði.
 
2.2 Hver er þín sýn á starf Samtakanna '78 næstu 2-3 ár og á hvaða sviði telur þú þig geta lagt mest af mörkum? (Hvaða verkefnum þarf að sinna, hverju hefur þú helst áhuga á að vinna að sem stjórnarmeðlimur, í hvaða aðgerðir þarf að ráðast og svo framvegis.)
Fyrst og fremst vil ég sjá Samtökin ´78 halda áfram að beita sér fyrir réttindum hinsegin fólks á Íslandi og víðar. Ísland hefur dregist alltof mikið aftur úr í réttindabaráttu hinsegin fólks og því þarf að breyta. Til þess að þessar breytingar geti átt sér stað þurfa margir að leggja hönd á plóg og því er nauðsynlegt að sjálfboðaliðahópur Samtakanna stækki talsvert á næstu árum. Sömuleiðis þarf félagið fleiri starfsmenn enda hefur starfsfólk félagsins þurft að lyfta grettistaki síðustu ár til að halda félaginu gangandi og er óeðlilegt að slíkt álag liggi á þeim.
 
Jafningjafræðslan er mér alltaf ofarlega í huga og vona ég að aðsókn eftir fræðslum haldi áfram að aukast, þá vona ég líka að Samtökin geti staðið undir þeirri aðsókn með því að bæta við sig fleiri jafningjafræðurum.
Ég hef ýmislegt fram að færa sem getur nýst í starfi Samtakanna á komandi kjörtímabili. Til að mynda er ég og hef jafnan verið ein af yngstu manneskjunum sem starfar sem sjálfboðaliði innan félagsins og kem því með öðruvísi sjónarhorn að borðinu. Ég hef fengið tækifæri til að kynnast ýmsum þáttum starfsins persónulega bæði sem meðlimur ungliðahreyfingarinnar og jafningjafræðari og ég tel mig geta nýtt þá reynslu til að bæta starfsemi félagsins.
 
|

Hinsegin málefni voru í fyrsta sinn til umfjöllunar í stjórnarsáttmála Íslands árið 2017 með sérstakri áherslu á réttindi intersex fólks.
 
Málþingið Mannréttindi intersex fólks: Ný nálgun til framtíðar leitast við að varpa ljósi á stöðuna á Íslandi í dag, þær framfarir sem nú eiga sér stað í málefnum intersex fólks víðs vegar um heim og hvaða aðgerða sé þörfhér á landi til að fulltryggja mannréttindi intersex fólks.
 
Sérstakir gestir á málþinginu verða:
 
  • Piet de Bruyn, skýrslugjafi Evrópuráðsins um réttindi hinsegin fólks (e. General rapporteur on the rights of LGBTI people) og höfundur skýrslu ráðsins um mannréttindi intersex fólks.
  • Ruth Baldacchino, formaður ILGA-World, alþjóðasamtaka hinsegin fólks og stjórnandi intersex mannréttindasjóðs Astraea – Réttlætissjóðs lesbía. Hán lék lykilhlutverk í setningu fremstu löggjafar í heimi um réttindi trans og intersex fólks sem var lögfest á Möltu árið 2015.
  • Laura Carter, rannsakandi og sérfræðingur í hinsegin málefnum hjá Amnesty International. Hún vann skýrslu Amnesty „First, Do No Harm“ um stöðu intersex fólks í heilbrigðiskerfum Danmerkurog Þýskalands.
 
Undanfarna hálfa öld hefur fólk með ódæmigerð líffræðileg kyneinkenni verið látið sæta róttækum og oft óafturkræfum inngripum s.s. skurðaðgerðum og hormónameðferðum til að laga kyneinkenni þeirra að væntingum um dæmigert útlit og form. Oft eru inngripin framkvæmd á ungabörnum sem geta ekki tekið þátt í ákvörðuninni þrátt fyrir að bið myndi ekki stefna líkamlegri heilsu þeirra í hættu. Leyndarhyggja var viðtekin venja innan læknastéttarinnar og intersex fólki var ráðlagt að ræða ekki breytileika sinn. Á árum áður var fólki jafnvel ekki sagt frá eigin breytileika.
 
Á síðustu árum hefur þó orðið mikill viðsnúningur hérlendis samhliða vitundarvakningu á erlendri grund. Nefndir Sameinuðu þjóðanna hafa beint tilmælum til margra samanburðarlanda okkar um að núverandi meðferðarform á intersex börnum brjóti gegn samningi SÞ gegn pyndingum og annarri grimmilegri, ómannlegri eða vanvirðandi meðferð og samningi SÞ um réttindi barnsins. Mannréttindasamtök á borð við Amnesty International og Human Rights Watch hafa gefið út skýrslur byggðar á rannsóknum sínum á högum intersex fólks þar sem glöggt kemur fram að breytingar innan læknisfræðinnar hafa verið litlar og einna helst tæknilegs eðlis. Sérfræðingar í heilbrigðisvísindum þ.á.m. þrír fyrrum landlæknar Bandaríkjanna hafa lagst opinberlega gegn viðteknum meðferðarvenjum. Þá hefur þing Evrópuráðsins beint þeim tilmælum til fjölda ríkja, Íslands þeirra á meðal, að tryggja mannréttindi og líkamlega friðhelgi intersex fólks með viðunandi hætti.  
 
Malta varð árið 2015 fyrst ríkja til að lögfesta líkamlega friðhelgi intersex fólks, þ.m.t. barna, og sambærileg vinna er hafin víðar í Evrópu, s.s. í Belgíu, Bosníu og Hersegóvínu, Grikklandi, Noregi og á Íslandi.
 
Mikið verk er fyrir höndum hérlendis til þess að tryggja grundvallarrétt intersex fólks til líkamlegrar friðhelgi og mun málþingið skoða hvar við erum stödd í dag og til hvaða aðgerða þurfi að grípa til að komaÍslandi í fremstu röð í þessum málaflokki.
 
Málþingið fer fram laugardaginn 17. febrúar í háskólabyggingunni Öskju í stofu 132 og stendur yfir frá12:00-16:00.
 
Málþingið er ætlað öllum þeim er láta sig málefni intersex fólks varða og þá sérstaklega málefni intersex barna. Eru því alþingisfólk, heilbrigðisstarfsfólk, starfsfólk skóla og leikskóla og öll þau er vinna meðeinhverju móti að hag og réttindum barna boðin sérstaklega velkomin.
 
Að málþinginu standa: 
 
 
Samtökin 78 – félag hinsegin fólks á Íslandi
 
|

Athygli er vakin á því að í ár verður í fyrsta skipti boðið upp á utankjörfundaratkvæðagreiðslu í kosningum til stjórnar og trúnaðarráðs Samtakanna ‘78. Hún hefst eftir að aðalfundarboð er sent út, í síðasta lagi 18. febrúar. Framkvæmd hennar verður nánar auglýst síðar.

|

Samningar Samtakanna ‘78 við Reykjavík og Hafnarfjörð gera samtökunum kleift að sinna margvíslegu hlutverki sínu gagnvart samfélaginu og er mikilvægur þáttur í áframhaldandi starfsemi þeirra.
 
Á dögunum gerðu Reykjavíkurborg og Samtökin ‘78 með sér nýja fræðslu- og þjónustusamninga sem tryggja Samtökunum aukið fjármagn til starfsemi sinnar og Reykjavíkurborg aukna þjónustu. Nokkru áður höfðu Samtökin ‘78 og Hafnarfjarðarbær undirritað endurnýjaðan samstarfssamning. Samtökin geta því haldið áfram að bjóða þá fjölbreyttu sérfræðiþjónustu sem þau hafa byggt upp undanfarin misseri. Hún felst m.a. í ráðgjafarþjónustu, félagsmiðstöð fyrir hinsegin ungmenni og hinsegin fræðslustarfsemi.
 
Fjórfalt fleiri ráðgjafatímar
Ráðgjafar Samtakanna ‘78 eru hópur sérfræðinga á sviðum félagsráðgjafar, sálfræði og lögfræði. Hópurinn býður hinsegin fólki, aðstandendum þess og fagfólki á ýmsum sviðum faglega ráðgjöf við úrlausn persónulegra mála er varða kynhneigð, kynvitund, kyneinkenni og kyntjáningu. Ráðgjöfin nær einnig til samfélagslegra þátta t.d. varðandi vinnumarkað, skóla, fordóma o.þ.h. Til að mynda hefur fagfólk innan löggæslu- og heilbrigðisgeirans leitað ráðgjafar um aðstæður hinsegin fólks og hvernig sé best að veita hinsegin fólki í viðkvæmri stöðu aðstoð. Til marks um það hversu mikil þörf er fyrir aðgengilegri ráðgjöf innan veggja Samtakanna ‘78 má nefna að aðsókn í hana hefur rúmlega fjórfaldast á síðustu þremur árum. Með samningum Hafnarfjarðar og Reykjavíkur er starfsfólki og íbúum sveitarfélagana tryggður áframhaldandi aðgangur að ráðgjöfinni.
 
Hinsegin félagsmiðstöð fyrir unglinga
Félagsmiðstöð fyrir hinsegin ungmenni er starfrækt í húsnæði Samtakanna ‘78 eitt kvöld í viku. Þar koma saman sjálfboðaliðar og faglært fólk frá Félagsmiðstöðinni Tjörninni og byggja upp skemmtilegt rými þar sem hinsegin ungmenni geta kynnst og varið tíma saman í öruggara umhverfi undir handleiðslu fagfólks. Þar geta þau einnig talað við starfsfólk í einrúmi. Undanfarin ár hefur hópurinn sem sækir félagsmiðstöðina stækkað jafnt og þétt en í fyrra sóttu þrefalt fleiri ungmenni hana en árin áður. Þjónustusamningur Reykjavíkur tryggir að við félagsmiðstöðina starfi fagmenntað fólk á sviðum tómstunda- og félagsmálafræði.
 
Fræðslustarf til starfsfólks mikilvægt
Hinseginfræðsla Samtakanna ‘78 er tvískipt. Fræðslu til kennara á leik- og grunnskólastigum veitir fræðslustýra Samtakanna ‘78 og miðar sérstaklega að því að fræða kennara um fjölbreytileika hinseginleikans, þ.e. kynvitundar, kynhneigðar, kyntjáningar og kyneinkenna, og hvernig megi styðja við börn sem stíga út fyrir hinn hefðbundna ramma kyns og kyntjáningar og börn úr fjölbreyttum fjölskyldum, en þessi hópur fer sí-stækkandi. Þá er markmiðið einnig að gera kennara sjálfbæra um að uppfylla aðalnámsskrá grunnskóla en þar stendur: „Á öllum skólastigum á að fara fram menntun til jafnréttis þar sem fjallað er um hvernig ofangreindir þættir geta skapað mismunun eða forréttindi í lífi fólks‟. Þættir þessir ná m.a. til kyns og kynhneigðar. Kennarar þurfa þó oft utanaðkomandi aðstoð við þetta verkefni enda er skortur á viðeigandi kennsluefni og fræðslu um þessi mál í kennaranámi.
 
Virk jafningjafræðsla
Samhliða fræðslu til starfsfólks bjóða Samtökin upp á hinsegin fræðslu til nemenda í efstu bekkjum grunnskóla. Sú fræðsla miðar að því að uppfylla ofangreint ákvæði aðalnámsskrár í þeim tilfellum sem kennarar skólans, eða sveitarfélög, óska aðstoðar. Kynnt er fyrir nemendum hvernig hinseginleikinn birtist í daglegu lífi og um fjölbreytileika samfélagsins. Þá eru gefin ráð um það hvernig megi tryggja að hinsegin fólki innan vinahópa og bekkja líði vel og félagsmiðstöðin kynnt fyrir nemendum. Þessar heimsóknir geta verið mjög dýrmætar fyrir nemendur sem eru að velta fyrir sér sinni kynhneigð eða kynvitund. Fræðslan byggir á áralangri hefð innan Samtakanna ‘78 en er nú undir handleiðslu  fræðslustýru Samtakanna ‘78. Með fjármagni samninga Reykjavíkur og Hafnarfjarðar verður til grundvöllur fyrir áframhaldandi starfi sérfræðimenntaðs fólks við fræðslu Samtakanna ‘78.
 
Aðeins tvö sveitarfélög af 74
Við þökkum Reykjavíkurborg og Hafnarfjarðarbæ samstarfið á liðnum árum og hlökkum til að takast á við skyldur okkar næstu árin. Nú er þjónustan sem við bjóðum upp á tryggð til íbúa þessara sveitarfélaga og á sama tíma fáum við svigrúm til að bæta og þróa þessa þjónustu. Um leið og Reykjavíkurborg og Hafnarfjarðarbæ er þakkað þá viljum við hvetja önnur sveitarfélög á landinu að skoða hvernig hinsegin fræðslu og ráðgjöf er háttað í sínu sveitarfélagi. Samtökin ‘78 eru reiðubúin að aðstoða við þá vinnu.
 
Álfur Birkir Bjarnason ritari Samtakanna ‘78 
Daníel E. Arnarsson framkvæmdastjóri Samtakanna ‘78
 
|

(English below)

Aðalfundur Samtakanna ‘78 fyrir starfsárið 2017–2018 verður haldinn 4. mars næstkomandi í húsnæði Samtakanna ‘78 við Suðurgötu 3, 101 Reykjavík. Rétt til fundarsetu hefur allt skráð félagsfólk sem greitt hefur félagsgjöld fyrir árið 2018. Hægt er að skrá sig sem félaga hér. 
 
Af þessu tilefni kallar kjörnefnd Samtakanna ‘78 eftir framboðum til stjórnar, trúnaðarráðs og skoðunarmanna reikninga. Einnig óskar kjörnefnd eftir ábendingum um áhugasama frambjóðendur. Verklagsreglur kjörnefndar má finna hér.
 
Framboð til stjórnar, og varaframboð sé þess óskað, skulu berast á netfangið This email address is being protected from spambots. You need JavaScript enabled to view it. í síðasta lagi 18. febrúar 2018. Tilgreina skal hvaða embætti frambjóðandi sækist eftir og til hve langs tíma (ef við á). Varaframboð er valkvætt og tekur gildi nái viðkomandi ekki kjöri í tilsett embætti. 
 
Þau sem bjóða sig fram til trúnaðarráðs og sem skoðunarmanna reikninga eru beðin að skila framboði sínu skriflega til kjörnefndar fyrir aðalfund og tilgreina hvaða embætti þau sækjast eftir. 
 
Kjörnefnd óskar eftir því að frambjóðendur til stjórnar og trúnaðarráðs svari nokkrum spurningum (sjá neðar) en svörin verða notuð við kynningu á framboðum.
 
Vakin er athygli á því að á aðalfundi 2017 voru samþykktar lagabreytingar þess efnis að nú er ekki kosið í önnur embætti innan stjórnar en formann. Enn fremur eru stjórnarmenn í ár ýmist kosnir til eins eða tveggja ára. Samkvæmt grein 3.4.1. er auglýst eftir eftirfarandi framboðum árið 2018:
 
  • Til formanns (eitt ár)
  • Til stjórnar (á aðalfundi 2018 skal kjósa þrjá aðila til tveggja ára)
  • Til stjórnar (á aðalfundi 2018 skal kjósa þrjá aðila til eins árs)
  • Framboð til trúnaðarráðs (tíu embætti) og skoðunarmanna reikninga (tvö embætti) eru til eins árs.
 
Í grein 4.1. segir: „Stjórn samanstendur af formanni og 6 stjórnarmeðlimum. Stjórnarmeðlimir skipta með sér hlutverkum varaformanns, ritara, gjaldkera, alþjóðafulltrúa og tveggja meðstjórnenda.“ Trúnaðarráð er skipað 10 einstaklingum sem í sameiningu velja sér formann og áheyrnarfulltrúa á stjórnarfundi að loknum aðalfundi. 
 
Til þess að tryggja fjölbreyttan hóp frambjóðenda, í samræmi við þann fjölbreytta hóp sem félagar Samtakanna ‘78 eru, hvetur kjörnefnd sérstaklega fólk á öllum aldri, af öllum kynþáttum, uppruna, líkamsgetu, menntun og bakgrunni til þess að bjóða sig fram í komandi kosningum.
 
Í kjörnefnd sitja:
Ásta Kristín Benediktsdóttir, formaður kjörnefndar
Sigurgeir Ingi Þorkelsson Eyvinds
Svanfríður Anna Lárusdóttir
 
Nánari upplýsingar um störf stjórnar og trúnaðarráðs má finna í lögum Samtakanna ’78. Einnig má hafa samband við kjörnefnd með því að senda póst á ofangreint netfang. Verklagsreglur kjörnefndar um framkvæmd kosninganna má nálgast hér.
 
Kjörnefnd óskar eftir því að frambjóðendur svari eftirfarandi spurningum og sendi mynd af sér með framboðinu:
1. Spurningar fyrir alla frambjóðendur:
1.1 Nafn og aldur.
1.2 Fyrri reynsla (t.d. menntun, starf, félagsstörf og þess háttar),
1.3 Stutt samantekt á núverandi högum (m.a. fjölskylduhagir og annað sem frambjóðandi vill taka fram).
1.4 Fyrri verkefni/störf innan Samtakanna '78.
 
2. Spurningar fyrir frambjóðendur í stjórn:
2.1 Hvert er mat þitt á stöðu Samtakanna '78 í dag og þeim verkefnum sem unnið hefur verið að á síðustu árum?
2.2 Hver er þín sýn á starf Samtakanna '78 næstu 2-3 ár og á hvaða sviði telur þú þig geta lagt mest af mörkum? (Hvaða verkefnum þarf að sinna, hverju hefur þú helst áhuga á að vinna að sem stjórnarmeðlimur, í hvaða aðgerðir þarf að ráðast og svo framvegis.)
 
3. Spurningar fyrir frambjóðendur í trúnaðarráð:
3.1 Hvernig sérð þú fyrir þér áherslur trúnaðarráðs starfsárið 2018–2019 og á hvaða sviði gagnast áhugi þinn, þekking og reynsla best? (Helstu verkefni, aðgerðir, o.s.frv.)
3.2 Annað sem þú vilt koma á framfæri?
 
 
 
The Election Committee Calls for Candidates
 
 
Election to the board and advisory council of Samtökin ‘78 will take place at Samtökin’s annual general meeting on March 4th 2018 at Suðurgata 3, 101 Reykjavík. All registered members who have renewed their membership (paid fees for 2018) are welcome to take part in the meeting and the election. To register as a member of Samtökin ‘78 please click here. 
 
The organisation’s election committee calls for candidates for positions on the board, advisory council and auditors, and encourages members to suggest possible candidates. The election committee has approved procedures, that you may find here.
 
Candidates for the board are asked to state which position they wish to run for, if they run for one or two years (board members only), and an alternative position if they so wish, via email to This email address is being protected from spambots. You need JavaScript enabled to view it. no later than February 18th. Candidates can, but are not obliged to, state an alternative position they will run for if they are not elected for their chosen position. 
 
Candidates for the advisory council and auditor positions are asked to inform the election committee which position they run for via email before the annual general meeting.
 
The election committee kindly asks all candidates to answer a few questions (see below) that will be used to introduce them on Samtökin ‘78’s website.
 
 
This year the annual general meeting votes for the following positions:
 
  • President (one year)
  • Three board members (two years)
  • Three board members (one year)
  • Ten advisory council members
  • Two auditors
 
After the annual general meeting, the new board nominates a vice president, international secretariat, secretary, treasurer and two board members. The advisory council similarly chooses a chair and a board observer.
 
To help ensure a diverse group of candidates who reflect the diverse members of Samtökin ‘78 the election committee encourages members of all ages, ethnicities, origins, abilities and education backgrounds to run for the upcoming elections. 
 
The election committee members are:
• Ásta Kristín Benediktsdóttir, chairman
• Sigurgeir Ingi Þorkelsson Eyvinds
• Svanfríður Anna Lárusdóttir
 
 
Further information about the board and advisory council of Samtökin ‘78 and their work can be found (in Icelandic) in the law of Samtökin ’78 on the organisation’s website, or by contacting the election committee (This email address is being protected from spambots. You need JavaScript enabled to view it.).
 
 
We kindly ask all candidates to answer the following questions and send a photo of themselves:
 
1. Questions for all candidates:
1.1 Name and age
1.2 Past experience (e.g. education, work, volunteer work etc)
1.3 A short summary of your current situation and experience (e.g. family, hobbies and anything else that the candidate would like to state)
1.4 Past work/projects for Samtökin ‘78
 
2. Questions for candidates seeking board positions:
2.1 What is your view on Samtökin ‘78 and the work the organisation has been involved in in the past few years? 
2.2 What is your vision for the future of Samtökin ‘78 and in which field/s do you think you will most be able to contribute? (What projects should be focused on, where do your interests lie within Samtökin ‘78, what actions must be taken, etc.)
 
3. Questions for candidates seeking advisory council positions:
3.1 What do you think the advisory council should focus on in the upcoming year, and how will your strengths benefit the council and Samtökin ‘78? (projects, actions etc.)
3.2 Other information that you would like to share
|

Samtökin '78 og Reykjavíkurborg hafa í sameiningu gert með sér nýja fræðslu- og þjónustusamninga.

Í fræðslusamningi er kveðið á um að Samtökin '78 sinni áframhaldandi hinsegin fræðslu í öllum grunnskólum Reykjavíkurborgar en um hinseginfræðsluna var samið árið 2014 og því er um framhald á sömu fræðslu að ræða. Að þessu sinni er einnig samið um sérstaka hinseginfræðslu til starfsfólks leikskóla höfuðborgarinnar. Aukinheldur er samið um að Samtökin sinni jafningjafræðslu til nemenda grunnskóla borgarinnar líkt og áður.

Þessi fræðslusamningur bætir heldur í og í fyrsta skipti er búið að tryggja hinsegin félagsmiðstöð Samtakanna, sem er samstarfsverkefni Samtakanna '78 og frístundamiðstöðvarinnar Tjarnarinnar, nægt rekstrarfé til að vera rekin út árið 2020. Þetta er í fyrsta skipti sem samið er sérstaklega um hinsegin félagsmiðstöðina.

Meðfram fræðslusamningnum var undirritaður þjónustusamningur en í honum er tryggt að íbúa Reykjavíkurborgar geti leitað sé ráðgjafar hjá Samtökunum sér að kostnaðarlausu, að stuðningshópar séu starfræktir fyrir unglinga og börn og að lokum að Samtökin '78 geti sinnt daglegum rekstri sínum.

Þessir samningar marka tímamót því með þessum samningi leggur Reykjavíkurborg meira til reksturs Samtakanna '78 heldur en nokkur annar og er því stærsti þjónustukaupi Samtakanna '78 og fer fram úr ríkissjóði Íslands. 

Samtökin '78 vilja þakka Reykjavíkurborg innilega fyrir samstarfið á liðnum árum með von um að næstu ár verði enn farsælli.


Daníel E. Arnarsson, framkvæmdastjóri Samtakanna '78 og Dagur B. Eggertsson, borgarstjóri Reykjavíkur.

 
|

Aðalfundur Samtakanna '78 árið 2018 verður haldinn sunnudaginn 4. mars næstkomandi í húsnæði samtakanna að Suðurgötu 3. 

Rétt til fundarsetu hafa allir skráðir og borgandi félagar. Aðalfundarboð með dagskrá fundarins verður sent út eigi síðar en 18. febrúar eins og lög gera ráð fyrir. Hlökkum til að sjá ykkur öll.

Með góðri kveðju,

Stjórn Samtakanna '78

|

Samtökin '78 vilja vekja athygli á EMIS sem er ein af stærstu alþjóðlegu könnunum í heimi um kynheilsu og kynheilbrigði. Ísland er þátttakandi ásamt yfir 50 öðrum löndum. Könnunin er sniðin að þeim sem skilgreina sig karlkyns og hafa stundað kynlíf með öðrum manneskjum sem skilgreina sig karlkyns eða þeim körlum sem mögulega munu stunda kynlíf með öðrum körlum í framtíðinni.

Því miður er könnunin ekki á íslensku en hægt er að velja úr 33 mismunandi tungumálum við upphaf könnunarinnar.

Við hvetjum þig til að taka þátt!

Smelltu hér til að taka könnunina

|

Samtökin '78 óska öllum félagsmönnum sínum og landsmönnum öllum gleðilegs nýs árs með von um að árið 2018 verði blómlegt og gæfuríkt.

Samtökin '78 minna á þjónustu sína á nýju ári:

Ráðgjöf: Hægt er að bóka tíma í fría ráðgjöf í gegnum This email address is being protected from spambots. You need JavaScript enabled to view it., við hvetjum öll þau sem kunna að þurfa á ráðgjöf að halda að bóka tíma.

Fræðsla: Samtökin '78 sinna fræðslustarfi í skólum landsins, á öllum skólastigum, sem og í fyrirtækjum og hjá öðrum félagasamtökum. Fræðslu má panta í gegnum netfangið This email address is being protected from spambots. You need JavaScript enabled to view it.

Félagsmiðstöð fyrir unglinga: Samtökin '78 í samvinnu við Tjörnina félagsmiðstöð reka saman hinsegin félagsmiðstöð fyrir ungmenni. Öll ungmenni á aldrinum 13-17 ára eru hjartanlega velkomin til okkar öll þriðjudagskvöld kl. 19.30, tekið er vel á móti öllum.

Félagsheimili: Sjálfboðaliðar Samtakanna '78 standa fyrir fjölmörgum viðburðum allt árið um kring. Opin hús öll fimmtudagskvöld frá kl. 20, alþjóðakvöld á miðvikudögum, bókmenntaklúbbur og fleira er í boði. Endilega hringdu í síma 552-7878 til að kynna þér betur félagslíf Samtakanna.

Skrifstofa: Skrifstofan sinnir öllum daglegum rekstri. Hún er opin alla virka daga frá 13-16 en hægt er að senda tölvupóst á This email address is being protected from spambots. You need JavaScript enabled to view it. hvenær sem er.

|

Samtökin '78 og Hafnarfjarðarkaupstaður hafa nú endurnýjað samstarfssamning sinn. Samningurinn felur í sér að starfsfólk sem er að hefja vinnu við grunnskóla bæjarins fá sérstaka fræðslu um hinsegin mál, en áður hafa kennarar grunnskóla bæjarins fengið slíka fræðslu frá Samtökunum og því er aðeins nýtt starfsfólk sem fær fræðslu á þessu skólaári.

Í samningnum er sérstaklega kveðið á um að hafnfirsk ungmenni fái aðgang að ráðgjafarþjónustu Samtakanna sem Hafnarfjarðarkaupstaður greiðir fyrir. Einnig er samið um sérstaka jafningjafræðslu til allra 8. bekkinga í grunnskólum bæjarins og aukinheldur er í samningi fræðsla til starfsfólks leikskóla Hafnarfjarðarkaupstaðar.

Samtökin '78 eru ákaflega stolt af því að hafa endurnýjað samning við Hafnarfjarðarkaupstað og þakkar sveitarfélaginu innilega fyrir gott samstarf. Við hlökkum til að vinna frekar með hinum hýra Hafnarfirði.

|

Félagsfundur Samtakanna '78 var haldinn í Suðurgötu 3, 23. nóvember sl. Á fundinn mætti félagsfólk til að kynna sér fjárhagsáætlun næsta árs og einnig til að skipa kjörnefnd sem er lögbundið hlutverk félagsfunda að gera.

María Helga Guðmundsdóttir, formaður Samtakanna '78, stýrði fundinum og Álfur Birkir, ritari, kynnti fjárhagsáætlun. 

Í kjörnefnd voru kosin þau Ásta Kristín Benediktsdóttir, Sigurgeir Ingi Auðar-Þorkelsson og Svanfríður Anna Lárusdóttir. 

Líflegar umræður sköpuðust svo undir liðnum önnur mál þar sem félagsfólk gat rætt það sem þau vildu og var m.a. rætt um jólabingó sem haldið verður 2. desember nk., aðalfund, viðburði í desember, fjármál og afmælisár Samtakanna, en enn er hægt að skrá sig í sérstaka afmælisnefnd. Félagsfólki er hér með þakkað fyrir góðan fund og Samtökin hlakka til að sjá sem flest á næsta félagsfundi.

|

Jafningjafræðsla Samtakanna '78 er einn af grunnþáttum starfsemi Samtakanna. Þetta er hópur af sjálfboðaliðum á aldrinum 16-30 sem fræða ungmenni landsins um hinsegin veruleikann, að mestu í unglingadeildum grunnskóla en einnig í framhaldsskólum og á öðrum vettvangi. 

|

Meira ...

Staðurinn þar sem margir hittu Guðna Baldursson fyrst lét ekki mikið yfir sér, gluggalaust kjallaraherbergi í Garðastræti 2, en í hugum þeirra sem komu þangað var það samt bjartasta herbergið í bænum, griðastaður fullur af björtum vonum og baráttuþreki. Þetta var fyrsta húsnæði Samtakanna 78 og þar tók Guðni á móti félögum með alúð og vinsemd og baráttuandinn var ekki síst honum að þakka.

|

Meira ...

Síða 1 af 87