Hinseginfræðsla

Hinsegin fræðarar – umsókn

Vilt þú taka þátt í hinsegin fræðslu?

Langar þig að verða hluti af hinsegin fræðsluteymi Samtakanna ’78?

Jafningjafræðararnir eru ungt fólk á aldrinum 16-30 ára sem fræða annað ungt fólk á öllu landinu um hinsegin veruleikann. Þau fá þjálfun hjá Samtökunum ’78 sem sjá um skipulagningu fræðslunnar. Algengast er að unglingar í 8.-10. bekk fái heimsókn frá jafningjafræðurum Samtakanna ’78 en einnig er nokkuð um heimsóknir í framhaldsskóla og svo allskonar aðra hópa. Þetta er sjálfboðaliðastarf sem krefst þónokkrar skuldbindingar en á móti kemur frábær félagsskapur, æfing í að tala fyrir framan fólk og svo er þetta einstaklega gefandi starf.

Hefur þú áhuga á að vera með? Segðu okkur aðeins frá þér og aldrei að vita nema þér verði boðið í hópinn!

    Eins og kom fram að ofan þá er jafningjafræðslan sjálfboðaliðastarf. Mælst er til þess að fræðarar sem taka þátt taki að sér allavega 2 fræðslur í mánuði. Einnig er skylda að mæta á helgarnámskeið sem haldið verður helgina 26-27 janúar 2019. Þar að auki verða reglulegir hittingar þar sem fræðararnir koma saman og ræða hvernig fræðslan er að ganga.