Samtökin 78

Vertu memm í sundi!

Dagana 30. maí til 2. júní fer fram alþjóðlegt hinsegin sundmót í Reykjavík. Þátttakendur á mótinu verða um 500 og keppt verður í öllum sundgreinum, sundknattleik, dýfingum á samhæfðu listsundi.

Það er Íþróttafélagið Styrmir sem heldur mótið í samstarfi við Sundsamband Íslands. IGLA stendur fyrir International Gay and Lesbian Aquatics og er markmið þess að efla sundíþróttina meðal hinsegin fólks um allan heim.

Svo vel til takist þurfum við á þinni hjálp að halda. Við leitum að sjálfboðaliðum til að aðstoða við létt og skemmtileg störf á meðan á mótinu stendur

Árleg minningarguðsþjónusta vegna þeirra sem látist hafa úr alnæmi hér á landi verður haldin, sunnudaginn 20. maí næstkomandi. Kveikt verður á kertum til að minnast þeirra er látist hafa, einu kerti fyrir hvern einstakling sem við minnumst.

Á hverju sumri veita Samtökin ´78 mannréttindaverðlaun sín.  Mannréttindaverðlaun Samtakanna ’78 er viðleitni félagsins til að þakka fyrir framlag í þágu jafnréttis og mannréttinda og eru veitt einum einstakling fyrir starf sitt innan Samtakanna 78, einstakling utan Samtakanna 78 og stofnun, opinberum aðila eða fyrirtæki.

Samtökin ´78 óska nú eftir tilnefningum verlaunahafa frá félögum sínum. Allar tilnefningar sendist á netfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.   

Nemendur og kennari frá Lehigh University í Pensilvaníu BNA heimsóttu Samtökin ´78 nú á vormánuðum. 

Í samstarfi við Pink Iceland og Hilmar Magnússon var skipulögð glæsileg dagskrá fyrir þessa gesti okkar þar sem blandað var saman gamni og alvöru, sjálfboðinni vinnu og landkynningu. Sem dæmi má nefna að hópurinn skoðaði Gullfoss og Geysi, kom að málþingi um hinsegin málefni ásamt því að mála Regnbogasal Samtakanna ´78.