Trans ungmenni 13-17 ára
Þriðja miðvikudag í mánuði kl. 17.00 – 19.00 í húsnæði Samtakanna ´78 á Suðurgötu 3 og í ráðgjafarými Samtakanna ´78 á Suðurgötu 8
Fundirnir eru leiddir af Siggu Birnu og Elínu Margréti ráðgjöfum hjá Samtökunum ´78 og stundum fáum við eldra trans fólk í heimsókn til þess að deila reynslu sinni og spjalla við krakkana.
Fundirnir eru ætlaðir trans ungmennum hvort sem þau eru trans strákar eða stelpur eða kynsegin eða óviss. Það þarf ekki að tala á fundum ef fólk vill bara hlusta en annars tölum við um það sem hópurinn vill tala um t.d. trans ferlið, tilfinningar, kynama (gender dysphoria), kyngleði (gender euphoria), fordóma, hvernig við getum tekist á við erfiðar tilfinningar í daglega lífinu og stundum segjum við bara brandara.
Það eru öll velkomin á fundi en við viljum gjarnan heyra í ungmennum eða foreldrum þeirra áður en þau mæta á fyrsta fund.
Trans fólk 18 ára og eldra
Þriðja miðvikudag í hverjum mánuði kl. 20.00 – 22.00 í húsnæði Samtakanna ‘78, Suðurgötu 3
Hópurinn er ætlaður öllu trans fólki eldra en 18 ára, binary og non-binary og fólki sem er að velta fyrir sér hvort það geti verið trans.
Hópurinn er leiddur af Siggu Birnu ráðgjafa hjá Samtökunum ´78, sem hefur mikla þekkingu og reynslu er kemur að málefnum trans fólks.
Á fundum má ræða um allt sem viðkemur trans og ferlinu sem því getur fylgt en á þessum fundum leggjum við sérstaka áherslu á að svara spurningum fólks um:
- fyrstu skrefin í trans ferlinu, hvort sem er félagslegt, líkamlegt og/eða lagalegt
- hvernig/hvenær er best að koma út
- hvernig veit ég hvort ég er trans
- Transteymi Landspítalans
- dysphoriu/kynama
Öll eru velkomin á fundi jafnt styttra komin og lengra komin og alltaf gott að fá fólk með meiri reynslu á fundina til að svara spurningum hinna sem styttra eru komin í ferlinu.
Jafningjahópur lengra komins trans fólks 18+
Fyrsta miðvikudag í hverjum mánuði kl. 20.00-22.00 í húsnæði Samtakanna ‘78, Suðurgötu 3
Hópurinn er ætlaður trans fólki, binary og non-binary, sem hefur verið úti í lengri tíma
og/eða sótt hina stuðningshópana í ár eða lengur.
Hópurinn er ætlaður til stuðnings og spjalls um hin ýmsu málefni og vandamál sem geta komið upp í samfélagi samtímans.
Hópurinn er ekki leiddur af ráðgjafa heldur sjálfboðaliðum hjá Samtökunum ´78 sem sjálf eru trans.
Aðstandendur trans barna og ungmenna, stelpna, stráka og stálpa
Síðasta miðvikudag í hverjum mánuði kl. 20.00 – 22.00 í húsnæði Samtakanna ‘78, Suðurgötu 3
Stuðningsfundir fyrir aðstandendur trans barna/ungmenna og barna/ungmenna með ódæmigerða kyntjáningu. Það skiptir ekki máli hvort barnið þitt er trans strákur eða stelpa eða hvort það er kynsegin og það skiptir ekki máli hvar í ferlinu barnið þitt er.
Þetta er tækifæri til að spyrja spurninga og deila reynslu og heyra af reynslu annarra. Það er eðlilegt að það komi upp margar spurningar og tilfinningar og hér er rými til að ræða um allt.
Ef einhverjar spurningar vakna, ekki hika við að hafa samband við siggabirna@samtokin78.is
Aðstandendur trans kvenna, karla og kvára
Síðasta miðvikudag í hverjum mánuði kl. 20.00 – 22.00 í ráðgjafarými Samtakanna ‘78, Suðurgötu 8
Stuðningsfundur fyrir aðstandendur fullorðins trans fólks, þ.e. 18 ára eða eldra. Það skiptir engu máli hvort trans konan/karlinn/kvárið komu nýlega út eða hafa lifað lengi í réttu kyni eða hvar þau eru í ferlinu. Komdu ef þú vilt spjalla og heyra af reynslu annarra og/eða deila þinni reynslu með öðrum.
Ef einhverjar spurningar vakna, ekki hika við að hafa samband við siggabirna@samtokin78.is
Trans konur
Að jafnaði annan þriðjudag í hverjum mánuði kl. 17-19 í húsnæði Samtakanna ‘78, Suðurgötu 3
Stuðningshópurinn er sérstaklega miðaður að trans konum og trans feminine fólki 18 ára og eldra. Kyntjáning fólks eða hvar það er í ferlinu skiptir engu máli.
Á fundum má deila reynslu, spyrja spurninga og spjalla um allt það sem viðkemur því að vera trans hvort sem fólk er að stíga sín fyrstu skref eða komið lengra í ferlinu.
Hópurinn er leiddur af ráðgjöfum hjá Samtökunum ´78 sem hafa mikla þekkingu og reynslu er kemur að málefnum trans fólks.
Öll eru velkomin á fundi og ekki er nauðsynlegt að boða komu sína fyrirfram en ef þið viljið frekari upplýsingar getið þið sent á raðgjof@samtokin78.is
Queer support group for English speakers
This group will be back after summer 2023.
Third Thursday every month, 18.00-20.00, starting 16th February at Samtökin ’78 counceling space at Suðurgata 8, 101 Reykjavik.
Goal: The support group is intended as a safe space and a counselor facilitated discussion where participants can talk about emotional issues and anything they find important. Anyone who identifies as LGBTQ+ is welcome as long as they are fluent in English and feel like sharing their experience and/or support others.
Audience:
- 18+
- LGBTQ+
- English speaking
- in need of support or feels like supporting others
Facilitators:
Wieslaw Kaminski (he, him), a S78 counselor, integrative psychotherapist, and couples therapist. He specializes in intrapsychic and interpersonal traumas and has worked with domestic abuse victims.
Ivana Goláňová (she, her), a S78 counselor, psychologist, and cognitive behavioral and schema psychotherapist. She has worked with people in crisis, with depression and anxieties.
Do you have any questions?
Email skrifstofa@samtokin78.is and well get back to you as soon as possible.
See the location here on Google maps.