Um fræðsluna

Það er oft sagt að fordómar byggi á fáfræði. Þekking á hinsegin málum er grundvöllur í okkar mannréttindabaráttu og því er fræðsla er einn af hornsteinum Samtakanna ’78.

Bóka fræðslu

431

Fræðsluerindi árið 2022

12717

Manns fengu fræðslu á árinu 2022

2800

Fyrirspurnir og aðstoð á árinu 2022

Fræðsla til starfsfólks og nemenda í grunnskóla

Samtökin ’78 eru með fjölda þjónustusamninga við sveitarfélög. Starfsfólk og nemendur í þeim sveitarfélögum fá því fræðslu endurgjaldslaust. Fræðslan stendur öllum til boða og hvetjum við stjórnendur eða áhugasöm til að bóka fræðslu fyrir starfsfólk sitt og nemendur.

Bóka fræðslu Kennsluáætlun hinsegin fræðslu

Ferill fræðslunnar

Bókaðu fræðslu

Bókaðu fræðslu hér á vefnum, hringdu í okkur eða sendu okkur tölvupóst

Finnum tíma

Við finnum tíma í sameiningu, veljum fræðslupakka sem þú getur kynnt þér hér á síðunni, förum yfir fræðsluna og staðfestum svo

Við komum á staðinn

Fræðslustýra eða fræðari kemur á staðinn og fræðir

Endurgjöf á staðnum

Við dreifum endurgjafsblöðum og söfnum þeim saman.

Við verðum aftur í bandi

Eftir um tvær til þrjár vikur höfum við aftur samband og athugum hvernig fræðslan hafði áhrif á þau sem á hlýddu og ræðum málin

Loka endurgjöf

Eftir 2-3 mánuði eftir fræðsluna mun sá sem er skráð fyrir fræðslunni fá loka endurgjöf ásamt niðurstöðum úr endurgjöf á staðnum

Við ræðum hinseginleikann í allri sinni dýrð

Við erum öll að læra og mikilvægt er að spyrja spurninga og taka virkan þátt í fræðslunni til að læra sem mest og best. Við leggjum okkur fram við að vera skýr, koma fram af heilindum og af virðingu við þau sem fá fræðslu. Hinseginfræðin eru allskonar rétt eins og hinseginleikinn sjálfur.

Fræðslupakkar

Spurt & Svarað

Kennsluáætlanir í hinsegin fræðslu Haustönn 2023

Opna kennsluáætlun.
Kennsluáætlanir í hinsegin fræðslu Samtakanna ‘78 eru unnar í samræmi við hæfniviðmið í Aðalnámskrá grunnskóla, sjá t.d. hér.

Um hvað fjallar fræðslan?

Í fræðslu Samtakanna ’78 er fjallað um hinseginleika, hvað það þýðir að vera hinsegin og hvert er hægt að leita fyrir aðstoð og stuðning. Allt fræðsluefni okkar er opinbert á fræðsluvefnum Hinsegin frá Ö til A, en allir fræðslufyrirlestrar okkar byggja á því efni. Einnig bendum við á kennsluáætlanir okkar sem finna má hér.

Hve margar fræðslur eru Samtökin ‘78 að halda á einu ári?

Árið 2022 voru haldin alls 431 erindi. Þar af voru flest í grunnskólum eða félagsmiðstöðvum í Reykjavík. Gert er ráð fyrir að um það bil 12.717 einstaklingar hafi hlotið fræðslu frá Samtökunum ‘78 á árinu 2022.

Ef ég panta fræðslu, hver kemur og fræðir?

Innan Samtakanna ’78 starfa fjöldi fræðara. Þú getur skoðað þau hér.

Það veit enginn neitt um hinsegin málefni í skólanum mínum, hvað get ég gert?

Samtökin ‘78 bjóða upp á fræðslu fyrir grunn-og framhaldsskólanema, auk starfsfólks. Við hvetjum þig til að benda kennara eða öðru starfsfólki á að þú hafir áhuga á að bekkurinn þinn hljóti slíka fræðslu. Ef þú treystir þér ekki til þess geturðu sjálft haft samband við Samtökin 78 og við komum ábendingu þinni áleiðis til skólans.