Samtökin '78 í Gleðigöngunni 2022

Samtökin ’78 verða að sjálfsögðu með í Gleðigöngunni í ár eins og fyrri ár. Þema atriðisins í ár er “Full fjármögnun” þar sem við munum krefjast meira fjármagns svo unnt sé að mæta sívaxandi eftirspurn eftir þjónustu. Við munum í gegn um atriðið leitast við að kynna fyrir almenningi þá fjölbreyttu þjónustu sem Samtökin veita og segja frá mikilvægi hennar.

Ert þú stoltur félagi í samtökunum? Þá langar okkur til að hafa þig með í atriðinu okkar! Endilega skráðu þig hér að neðan.

Nafn þátttakanda(Required)

Tölvupóstfang(Required)

Hlutverk

Það er í mörg horn að líta, eða öllu heldur marga fána að bera, þegar Samtökin ‘78 taka þátt í Gleðigöngunni. Það eru nokkur mismunandi hlutverk sem við munum skipta niður á milli okkar, þú mátt endilega velja þér eitt þeirra (ef þig langar að taka þátt skuldbindingarlaust þá ertu hjartanlega velkomin og mátt velja Rönd í Regnboga):

Dekkja dúlla - Að þessu sinni munum við labba meðfram vagni sem mun bera öflug skilaboð frá okkur ásamt hljóðkerfi sem mun halda uppi gleðinni og baráttuandanum. Okkar vantar nokkra sjálfboðaliða til að ganga meðfram dekkjum bílsins og vagnsins, en þetta er tilvalið að gera tvö og tvö saman. Við munum skiptast á og því fleiri því betra.

Fána félagi - Litadýrðina má ekki vanta en hátt í þrjátíu fánar munu tryggja að regnboginn muni ekki fara framhjá neinum. Langar þig að ganga stolt með fána?

Skilta skundari - Það verður seint hægt að þekkja atriði Samtakanna án nokkurra vel valdra kröfuskilta. Skiltin geta þó ekki gengið eða rúllað með okkur hjálparlaust og því hvetjum við þig til að grípa eitt slíkt.

Rönd í regnboga - Það er einstök upplifun að taka þátt í Gleðigöngunni, upplifa sig sem hluta af hinsegin samfélaginu, kasta af sér skömminni og fagna hinseginleikanum. Þátttaka þín er ekki einungis þér mikilvæg, hún er einnig mikilvæg fyrir allt hinsegin fólkið sem stendur á hliðarlínunni. Þú ert hvatningin þeirra og stuðningur. Vertu rönd í regnboga og komdu með okkur án nokkurra annarra skuldbindinga en að vera þú.