Tilkynningar Þann 8.september n.k mun FSS halda nýnemadag. Þar verður starfsemi félagsins kynnt ásamt því sem formenn deilda munu segja frá metnaðarfullum verkefnum og áformum deildanna. Léttar veitingar verða í boði og er þetta kjörið tækifæri fyrir þá sem vilja vita meira um félagið. Skorar stjórn FSS á alla að mæta. Nýnemadagurinn hefst kl. 18:00 í Hinu Húsinu þar sem félagsaðstaða FSS er til húsa. Seinna um kvöldið eða kl. 20:00 munum við færa okkur yfir í félagsaðstöðu Samtakanna ´78 á Laugavegi 3, 4 hæð, og þar verður haldinn fyrsti gay day vetrarins. Mun félagsdeild FSS birta dagskrá vetrarins og stjórn FSS kynna sig fyrir nýju fólki.
Þar sem félagsskírteini seinasta árs runnu út í lok ágúst munu ný skírteini fyrir árið 2005-2006 vera seld á staðnum og er félagsaðild aðeins 500 kr. Einn bjór fylgir hverju skírteini. Með framvísun FSS skírteinis færðu bókasafnskírteini hjá Samtökunum ´78 og í bígerð er bæklingur sem inniheldur upplýsingar um afslætti og tilboð sem munu fylgja skírteinum.
Hlökkum til að sjá þig,
FSS ? Félag STK-stúdenta
