Mætt: Þorbjörg, Unnsteinn, Bjarndís, Rósanna, Edda, Marion, Andrean, Daníel (framkv. stj.), Agnes (áheyrnarfulltrúi trúnaðarráðs)
Ritari: Daníel E. Arnarsson
Fundur settur: 16.44
1. Samþykkt síðustu fundargerðar
Fundargerð síðasta fundar hefur verið samþykkt.
2. Öruggara rými – stefna og reglur
Framkvæmdastjóri fer yfir verkefni sem hefur verið í gangi í nokkurn tíma er varðar öruggara rými og aðgengismál. Agnes og Edda bjóða fram aðstoð til að fullklára stefnuna.
3. Guðnasjóður
Stjórn fer yfir hugmynd um neyðarsjóð sem er til þess fallinn að aðstoða hinsegin fólk sem er í brýnni nauðsyn, t.d. er varðar samgöngustyrk eða lyfjastyrk. Vísað til framkvæmdastjóra og gjaldkera til frekari vinnu.
4. Blóðgjafir MSM
Formaður kallar eftir umræðum um blóðgjafir MSM og næstu skref er varða þau mál. Stjórn ákveður að vísa áframhaldandi vinnu til varaformanns og framkvæmdastjóra.
5. GLSEN
Stjórn ræðir GLSEN niðurstöður og úrvinnslu. Samtökin hafa ekki fengið fullbúnar niðurstöður sendar til sín. Einnig hefur samskiptavandi látið að sér kveða.
6. Vinnufundur 7. maí
Ákvörðun þarf að liggja fyrir hvort að vinnufundur, sem áætlaður er 7. maí, verði yfir tölvu eða í raunheimum. Áfram verður haldið með stefnumótunarvinnu stjórnar. Stjórn ítrekar það að halda vinnufund og mögulega mun það liggja fyrir aðeins seinna hvernig fundinum verði háttað.
7. Framhald starfsins á árinu
Stjórn ræðir næstu viðburði sem eru á dagskrá á meðan samkomubanni stendur. Eins ræðir stjórn félagsfund sem áætlaður er skv. lögum að halda eigi um vor. Stjórn er meðvituð um fundinn og mun senda tilkynningu til félaga þess efnis. Endanleg ákvörðun um staðsetningu eða tímasetningu liggur ekki fyrir að svo stöddu. Stjórn ákveður einnig greinaplan, þar sem stjórn skrifar meira af greinum til að birta á miðlum Samtakanna sem og á öðrum miðlum. Formaður hvetur stjórnarmeðlimi til að hugsa til framtíðar, sérstaklega er varðar fjáröflun og viðburði er tengjast henni.
8. Önnur mál
Engin önnur mál
Fundi slitið: 18.05
