2.fundur stjórnar
Starfsárið 2026-2027
mars 2026
Viðstödd eru: Bjarndís, Hrönn, Jóhannes, Sveinn, Vera, Kári (framkvæmdastjóri), Margrét (áheyrnarfulltrúi félagaráðs)
Fundargerð ritar: Vera Illugadóttir
Fundur settur: 16:33.
Yfirferð og samþykkt fundargerðar síðasta stjórnarfundar
Stjórn hefur lesið fundargerð síðasta stjórnarfundar og samþykkir hana.
Félagaráð
Fyrsti fundur félagaráðs var haldinn í síðustu viku. Bjarndís sat fundinn og segir frá. Fundurinn gekk vel og Bjarndís segir að mikill hugur sé í ráðinu. Anna Katrín er áfram oddviti. Margrét Jóhannsdóttir er nýr áheyrnarfulltrúi félagaráðs í stjórn, stjórn biður hana velkomna. Margrét tekur undir orð Bjarndísar um góðan fund og hug í félagaráði.
Hlaupahópur frá Bretlandi
Von er á breskum hlaupahóp til landsins. Þau eru að vinna að verkefni sem tengist trans og hinsegin fólks í íþróttum og vilja gjarnan ræða þau málefni við Íslendinga. Hrönn er í tengslum við hópinn og segir frá. Nokkur möguleg nöfn eru nefnd. Kári og Hrönn taka málið áfram.
ILGA-Europe
Í tengslum við vinnu við Regnbogakort næsta árs hefur ILGA-Europe beðið Samtökin ’78 að nefna þrjár áherslur í starfi næsta árs, af málefnalista ILGA sem stjórnarliðar hafa fengið. Svara þarf 2. apríl. Stjórn felur Kára að draga fram þrjú atriði og kynna svo stjórn.
Vinnuhelgi stjórnar og starfsfólks
Búið er að ákveða dagsetningu vinnuhelgi stjórnar og starfsfólks og velja henni stað, Kjarnholt í Biskupstungum. Formaður fer yfir áherslur helgarinnar og stjórn kastar fram hugmyndum.
Önnur mál
Byrjað er að safna styrkjum í tengslum við Reykjavíkurmaraþon á Hlaupastyrkur.is. Hrönn hvetur fólk til að safna hlaupurum og styrkjum.
Fundi slitið: 17:01.
