Skrifstofan verður lokuð frá 13. apríl til og með 17. apríl auk 20. apríl. Félagslífið okkar fer þó ekki frí og bendum við á skemmtilega viðburði á næstu opnu húsum:
Á skírdag þann 13. apríl mun nýstofnaður hinsegin bókmenntaklúbbur hittast í fyrsta sinn. Í klúbbnum skapast tækifæri fyrir áhugafólk til að koma saman, lesa og ræða íslenskar bókmenntir sem snerta á hinsegin tilveru. Öll velkomin – formleg reynsla af bókmenntalestri er með öllu óþörf! Sjá viðburðinn hér.
Á sumardaginn fyrsta þann 20. apríl verður svo boðið upp á ókeypis hinsegin tangó námskeið. Kvöldið byrjar kl. 20 á klukkutíma kennslu þar sem farið er í grunnþættina að fylgja og leiða, talað um hugtakið hinsegin tangó og kynntir möguleikarnir fyrir þátttakendum á að nota spuna til að tjá sig í tangóinum. Engin danskunnátta nauðsynleg og óþarfi að mæta með partner – bara góða skapið. Öll velkomin. Sjá viðburðinn hér.
