Samtökin 78

Fimmtudaginn 2. september efna nokkrir vinir þýska listamansins Wolfgangs Müllers til samkvæmis honum til heiðurs í bókabúð Máls og Menningar að Laugavegi 18. Samkvæmið hefst klukkan 20.30 og stendur til 22.30. Að þessum viðburði stendur félagskapurinn Vinir Wolfgangs sem samanstendur af nokkrum vinum listamannsins. Wolfgang mun lesa upp úr nýjustu bók sinni um listakonuna Valesku Gert og sýna myndskeið með henni og einnig verða aðrar bækur hans kynntar. Markmiðið er að kynna verk Wolfgangs fyrir Íslendingum og um leið að heiðra Wolfgang og þakka honum fyrir ötult starf á umliðnum árum í menningarsamskiptum Íslands og Þýskalands.Hófið hefst klukkan 20.30 og léttar veitingar verða í boði.

Hörður Torfa og vinir í Borgarleikhúsinu 9. september klukkan. 20.30.  Fyrsta platan á fertugsafmæli í ár og af því tilefni verður hún flutt í heild sinni á tónleikunum með hjálp góðra vina. Kristjana Stefánsdóttir, söngkona, Róbert Þórhallsson, bassaleikari, Hjörtur Howser, hljómborðsleikari og Matthias Stefánsson gítar og fiðluleikari.  Frekari upplýsingar á  www.hordurtorfa.com.

Miðasala hafin á Midi.is og í Borgarleikhúsinu sími 568 8000 

Eftir frábært samstarf með KMK stúlkum síðasta vetur og í sumar var ákveðið að halda áfram sameiginlegum æfingum í vetur. Æfingarnar verða tvisvar í viku í Ölduselsskóla á sama stað og KMK æfði síðasta vetur. Fyrsta æfingin verður miðvikudaginn 1. september kl 19:00 og næsta verður mánudaginn 6. september kl. 18:00 (að öllum líkindum, látum vita ef mánudagstíminn breytist). Svo að planið er að æfingar verði á mánudögum kl 18 og miðvikudögum kl 19, vúhú!