Aðalfundur er æðsta vald og stofnun Samtakanna ’78, með öðrum orðum þá er aðalfundur sá vettvangur þar sem allt er ákveðið í Samtökunum ’78. Á aðalfundi er kjörin stjórn og félagaráð, ásamt því að fara yfir fjárhag félagsins og ræða öll mál. Einnig er samþykktum (lögum) félagsins aðeins breytt á aðalfundi.

Föstudaginn 6. mars, 2026 klukkan 17.

Í ár verður hægt að kjósa rafrænt og á pappír. Til að kjósa rafrænt þarf að skrá sig inn með félaganúmeri sem finna má á félagaskírteini og lykilorði. Mikilvægt er að skrá sig í félagið og greiða félagsgjöld fyrir 4. mars kl. 17 (tveir sólarhringar fyrir aðalfund) því þá lokar kjörskrá. Einungis þau sem eru á kjörskrá geta kosið.

Á þessum vef verður linkur á kosningasíðu. Kosning hefst kl 17.00 að degi aðalfundar, og lýkur kl 18.30.

Til að komast á kjörskrá:

1. Skrá sig í félagið fyrir 4. mars kl. 17
2. Greiða félagsgjöld fyrir 4. mars kl. 17

Til að kjósa rafrænt:

1. Hægt er að kjósa frá kl 17 föstudaginn 6. mars
2. Smellir á tengil sem má finna efst á þessari síðu (birtist þegar nær dregur fundi)
3. Kýst eftir leiðbeiningum á kosningavef

Athugið! Mikilvægt er að fylgja leiðbeiningum á kosningavef.

Til að kjósa á pappír:

1. Mætir með skilríki og félagsskírteini.
2. Kosning er opin á skrifstofu Samtakanna ’78 fimmtudag 5.mars kl. 13-16 og föstudag 6. mars milli 13-15.
3. Einnig er hægt að kjósa á pappír á aðalfundi í Iðnó milli kl. 17.00 og 18.30

Aðalfundurinn 6. mars nk. verður haldinn í Iðnó

Vissulega er það ekki lagaleg skylda en mögulega lýðræðisleg. Mjög gott er að mæta og eru allir félagar innilega hvattir til að sækja aðalfund.

Nei, því miður ekki. Aðalfundur er vettvangur fyrir skráða félaga Samtakanna ’78 sem hafa greitt félagsgjöld. Ef þú ert ekki viss um hvort þú sért skráður félagi, endilega hafðu samband á skrifstofa@samtokin78.is

Fyrir fundinn. Félagsgjöld voru send út í heimabanka þinn 12. janúar 2026. Til að kjósa þarftu að greiða áður en kjörskrá lokar, sem er miðvikudaginn 4. mars kl. 17.

Félagsskírteini Samtakanna ’78 eru rafræn. Líklegasta skýringin á því að þú ert ekki með félagsskírteini er sú að mögulega er tölvupóstfang þitt ekki uppfært í félagatali Samtakanna ’78. Þú getur reddað því hér.

Algjörlega. Fjögur gjöld eru í boði og er það félaga algjörlega frjálst að velja hvað sem er. Uppfærðu félagsgjöldin þín hér.

Svo sannarlega er það hægt, svo lengi sem einhver er ekki komin/nn/ð með það númer. En þetta græjarðu hér.

Nei en þú getur kosið rafrænt hvar sem er. Kosning hefst kl 17.00 föstudaginn 6. mars og líkur 90 mínútum síðar, eða 18.30 á aðalfundardegi. Nánari upplýsingar um kosningu verða sendar út í tölvupósti degi fyrir kjördag.  Athugaðu að þú þarft að hafa skráð þig í félagið og greitt fyrir 4.mars kl. 17 til að hafa kosningarétt.

Hjólastólaaðgengi: Aðalinngangur Iðnó er nægilega breiður fyrir flestar tegundir hjólastóla. Athugið að takki er til að opna aðalinnganginn, en hann getur verið stífur og dyrnar eru þungar. Samtökin halda viðburði bæði í hátíðarsal og Sunnusal (smærri salur á efri hæð), og eru þeir báðir rúmgóðir. Lyfta er á aðra hæð og er hún nægileg kraftmikil fyrir flestar tegundir stóla (nánar í myndbandi).

Hljóðvist: Hljóðvist í Iðnó er til fyrirmyndar í hátíðarsalnum og með ágætum í Sunnusal. Í andrými Iðnó er hljóðvist ekki sérstök en mikið er um umhverfishljóð og kliður ef fjöldi er mikill. Þau sem nota heyrnatæki geta notað þau án vandkvæða. Þegar mörg eru í Iðnó þá getur skynáreiti verið töluvert, sérstaklega í Sunnusal og við inngang en í hátíðarsal er rýmið það stórt að hljóð dreifist vel og því ekki nema á mjög fjölmennum viðburðum þar sem skynáreiti getur orðið mikið.

Salerni: Salerni á neðri hæð er aðgengilegt. Þegar Samtökin ’78 halda viðburði í Iðnó þá merkjum við salerni svo þau séu ekki kynjuð.

Vinsamlegast hafið samband við skrifstofu eigi síðar en 26. febrúar til að óska eftir táknmálstúlkun