Tilkynningar Fyrsta starfsári Hóps foreldra og aðstandenda samkynhneigðra á Norðurlandi er að ljúka. Lokafundurinn verður á Sigurhæðum á Akureyri fimmtudaginn 13. maí og hefst klukkan 20.00. Opið verður frá 19.30 ef einhverjir skyldu vilja koma og spjalla áður en fundurinn hefst. Áætlað er að fundurinn standi í klukkutíma.
Fundarefni er að litið verður yfir vetrarstarfið, fjallað um sumarið framundan og komandi vetur og tekin afstaða til þess hvort stofna skuli formlega Norðurlandsdeild FAS á rótum þessarar tilraunar, að hittast á Sigurhæðum einu sinni í mánuði í vetur. Sagt verður örlítið frá málstefnunni Andspænis sjálfum sér, sem haldin var á Selfossi í síðasta mánuði, og fjallað um önnur mál sem fundarmenn hafa í handraðanum.
Allir eru hvattir til að koma á þennan lokafund vetrarstarfsins og eins og ævinlega eru nýir félagar sérlega velkomnir!
