Tilkynningar Trúarhópur Samtakanna ´78 hefur verið endurvakinn. Nokkrir félagar hittust fimmtudaginn 16. október til skrafs og ráðagerða um starf hópsins og barst talið víða. Eindreginn vilji er fyrir því að endurvekja starf hópsins og gera hann virkan í trúarumræðu innan Samtakanna ´78 sem og út á við í samfélaginu. Ákveðið var að hittast aftur næstkomandi fimmtudag, 30. október, til að ákveða vetrarstarfið. Fundurinn verður haldinn í húsnæði Samtakanna 78 og hefst kl. 20:00. Við hvetjum alla sem áhuga hafa að koma og vera virkir í starfi hópsins.
Trúarhópur Samtakanna 78 er ekki bara fyrir þá er játa kristna trú heldur alla sem áhuga hafa á trúmálum, hverrar trúar sem þeir eru. Við hvetjum alla sem áhuga hafa að koma á fundi okkar og fræða okkur um sína trú og sína afstöðu til hennar og annarra trúarbragða.
-Trúarhópur Samtakanna ´78
