Undanfarið hefur töluverð umræða farið fram í samfélaginu um réttarstöðu samkynhneigðra. Fyrir alþingi liggur lagafrumvarp sem miðast að því að bæta réttarstöðu þeirra með breytingu ýmissa laga. Einnig hafa ummæli Biskups Íslands bæði í nýárspredikun sinni sem og við fjölmiðla kallað á viðbrögð fólks. Sunnudagsmessan kl. 14:00 verður helguð réttindabaráttu samkynhneigðra.
Fréttatilkynning frá Fríkirkjunni í Reykjavík:
Undanfarið hefur töluverð umræða farið fram í samfélaginu um réttarstöðu samkynhneigðra. Fyrir alþingi liggur lagafrumvarp sem miðast að því að bæta réttarstöðu þeirra með breytingu ýmissa laga. Einnig hafa ummæli Biskups Íslands bæði í nýárspredikun sinni sem og við fjölmiðla kallað á viðbrögð fólks.
Sunnudagsmessan kl. 14:00 – verður helguð réttindabaráttu samkynhneigðra.
Ætlunin er að eiga friðsæla, bæna og íhugunarstund þar sem þessi mál eru borin upp í Guðs helgidómi í trú von og kærleika.
Þau Ragnhildur Sverrisdóttir og Sigursteinn Másson munu stíga í predikunarstól og flytja predikunarorð ásamt safnaðarprestum. Landsþekktir tónlistarmenn munu flytja tónlist. Meðal annarra gesta verða þær Sigrún Hjálmtýsdóttir söngkona og Mónika Abendroth hörpuleikari.
Önnur tónlist verður í höndum Önnu Sigríðar Helgadóttur og Carls Möller auk Fríkirkjukórsins.
Fríkirkjuprestarnir Hjörtur Magni Jóhannsson og Ása Björk Ólafsdóttir munu þjóna fyrir altari.
Safnaðarráð Fríkirkjunnar býður upp á kirkjukaffi og meðlæti í safnaðarheimili Fríkirkjunnar að Laufaásvegi 13, að lokinni messu.´Allir hjartanlega velkomnir!
-Fríkirkjan í Reykjavík
