Vel heppnað jólabingó í Vinabæ

Jólabingó Samtakanna ´78 var haldið í Vinabæ 3. desember sl. Um 300 manns mættu á svæðið, spiluðu bingó, skemmtu sér og lögðu þannig sitt af mörkum til þess að Samtökin ´78 getið áfram haldið úti öflugri starfsemi. Samtökin ´78 vilja nota tækifærið og þakka öllum bingóspilurum gærdagsins kærlega fyrir stuðninginn sem og stjórnendum bingósins sem fóru hreinlega á kostum í gærkveldi. Þetta voru þær Ragnhildur Sverrisdóttir blaðamaður og Sigurborg Daðadóttir dýralæknir (!!!). Undirritaður telur það einungis vera tímaspursmál hvenær atvinnubingóspilarar Vinabæs bera víurnar í þær stöllur. 

Samtökin ´78 vilja ennfremur koma kærum þökkum til þeirra fjölmörgu aðila sem komu að skipulagningu og framkvæmd jólabingósins og er á engan hallað þegar þeim Guðrúnu Óskarsdóttur, Guðrúnu Rögnvaldardóttur, Jóni Þór Þorleifssyni og Svanfríði Lárusdóttur er sérstaklega þakkað fyrir ríkulagt framlag þeirra. 

Heildarverðmæti vinninga var vel á aðra milljón og fóru nokkrir heppnir bingóspilarar heim með mikinn stafla af veglegum vinningum. Þetta hefði auðvitað aldrei verið hægt án þeirra fjölmörgu fyrirtækja og einstakling sem lögðu okkur til vinninga af rausnarskap sínum. Þessir aðilar eru: Iceland Express, Gistiheimilið Volosvej, NTC, Sögur bókaútgáfa, Barbara, Vodafone, Ferðaþjónustan í Munaðarnesi, Forlagið, JPV, Opna, Salka, Birtingur, Bjartur, Veröld, Securitas, veitingahúsið Einar Ben, Potturinn og pannan við Skólabrú, Lyf heilsa, Kristín Ýr og BMV, Humarhúsið, 101 Skjöldur, Iða, Bókabúð Máls og menningar, Jómfrúin, G- Star, Senter hársnyrtistofa, Mótor, Draggkeppni Íslands, Jólatréssalan Landakoti, World Class, Hreyfing, Frumherji, Happdrætti Háskólans, Kringlukráin, Pisa Ristorante, Efnalaugin Björg, Ecco, SS, Heilsuakademían, Yantra, Olís, Oddi, Safalinn, Sigríður Beinteinsdóttir, A-4, Kaffifélagið, Elín júlíana Sveinsdóttir, Borgarleikhúsið, Sigurjón Guðmundsson, Frosti Jónsson, Filmus, Bravo, Viggó og Víóletta, Elding, Hilmar Magnússon, Felix Bergsson, Núðluskálin, Við Tjörnina, Krumma Films og Kimi Records. 

Myndir frá kvöldinu er hægt að skoða hér